Путинге каршы пикетке чыккан жубайлар алардын туугандарына чейин милиция тарабынан кысым көрсөтүлүп жатканын айтышууда

Бишкектеги Орусиянын элчилигинин алдына пикетке чыккан активист Нурлан Карымшаков милиция тарабынан үй-бүлөсүнө карата кысым көрсөтүү улантылып жатканын айтып чыкты.

Карымшаков мындай маалыматты SUPER.KG'ге тастыктап, басым өз үй-бүлөсүнө гана эмес, жубайы экөөнүн жакындарына чейин болуп жатканын билдирди.

Ошондой эле 28-29-март күндөрү Бишкектеги Биринчи Май РИИБинин кызматкерлери алардын тааныштарына барып, үй-бүлөнү каралоо максатында "алар АКШнын чалгынчылары", "Сирия менен байланышы бар" деген маалыматтарды беришкенин белгиледи.

Карымшаков жубайы Гүлназ Имаева экөө 27-март күнү колдорунда "Путин - оккупант, агрессор", "Ысык-Көлдө Путиндин торпедаларына жол жок" деген жазуусу бар плакаттарды кармап пикетке чыгышкан. Аларды милиция кармап кетип, Жаза кодексинин 98-беренеси боюнча убактылуу камоочу жайга камакка алышкан. Бир күндөн кийин соттун чечими менен үй камагына чыгышкан.

Ал эми ошол учурда Бишкек ШИИББинин басма сөз кызматы жубайлардын үйү тинтүүгө алынып, андан 16-калибриндеги мылтык, 1 банка ок-дары, 10 ок жана 17 миң 600 доллар табылганын кабарлаган. Табылган буюмдарды кармоого уруксат берген документтери болгон эмес. Андан сырткары жубайлар 2019-жылдын 30-июлуна чейин ачылган визанын негизинде 21-25-март күндөрү Мексикага барып келишкени аныкталган.

Укук коргоочу Рита Карасартова Карымшаковдун үйүнөн табылган акча жана курал-жарактар боюнча ошол учурда SUPER.KG'ге түшүндүрмө берген. Анын айтымында, акча жубайлардын эски үйүн сатуудан түшкөн каражаты болсо, мылтык жана ок-дарылар Карымшаковдун атасыныкы болгон.

"Карымшаковдун атасы айлана-чөйрөнү коргоо тармагында иштегендиктен, мылтык ошол кишиники болгон экен. Атасынын каза болгонуна 18 жыл болсо, ошол учурдан бери пайдаланылбай эле турган. Тийиштүү документтери бар", - деген Карасартова.

Автор: Жамалидин Парманкулов

23:33 02-04-2019

Жазылуу

РУБРИКАДАГЫ СОҢКУ КАБАРЛАР

19:58 2025-06-27 | Бизнес-Инфо

Дем алыш күндөрүн чоң футбол менен өткөрүңүз – Saima + O!TV менен бирге көрүңүз 24 0

19:55 2025-06-27 | Түркүн дүйнө

"Атамда армян каны бар". Филипп Киркоров армениянын өкмөт башчысы Пашинянга кайрылды (видео) 94 0

19:26 2025-06-27 | Коом жана турмуш

Ноокаттагы Ак-Булактын тургундары өз эсебинен айылына көпүрө салышты 128 0

19:05 2025-06-27 | Коом жана турмуш

Баткендеги чек араны тосуу иштери, аскерлерге болгон камкордук (видео) 367 0

18:49 2025-06-27 | Коом жана турмуш

Ысык-Атада Такыр-Төр көлү ташып, 180 адам эвакуацияланды 558 0

18:39 2025-06-27 | Кылмыштар, кырсыктар

Кызды бетке чапкан милиция кызматкери үй камагына чыгарылды 492 0

Архив

Комментарийлер (16)

Nurbelek.

2019-04-02 23:59:14

Путинге эмне мынча подхалимчилик кылышат биздин жепжутар саткындар. Ар келгенделе Ат дарит этишет, башка өлкөлөргө окшоп эле как обычно тосуп алып узата берсе болбойбу?!!!

-5

Krai

2019-04-03 08:33:04

Nurbelek.,подхалимчилик эмес да чын чынына келгенде подхалимчилик кылса деле жарашат путинден жамандык кордукпу 1 млнго жакын биздин мекендештерди ошол оруссия иш менен камсыз кылып атат ал эле эмес бутундой кыргыз мамлекетине опол тоодой жардамы тийип атат орусияда карасанар башка улуттарга салыштырмалуу кыргыз элин документ жагынан кооп женилдетти кайсы эл кайсы мамлекет ушинтип млнго жакын элибизди батырат аны мойнубузга алышыбыз керек

+20

Skarlett-Skarlett

2019-04-03 13:58:29

Krai,Россиядабыз 15 жылдан бери,эч бир орустан кагуу жебедик.Как дома..

+11

Valley.of.the.Wolves

2019-04-03 10:25:59

Nurbelek.,балеесиге чыгабы

Kroxa

2019-04-03 00:13:11

А эмнеге Пикетке чыгат???Американцы обеспечили наверно...

+20

abusait

2019-04-03 01:40:59

Ото кулкулуу. Булар менимче Америкага через Мексика аркылуу ото алышпай , кайра келип ВВП ны жамандап саясый куугунтук алып Америкага кетебиз дегенго.

+14

milan-707

2019-04-03 10:56:43

abusait,тура айтасын план а план б бар окшойт

newman

2019-04-03 12:57:55

abusait, Мексикада балээ барбы? Ошол саясий башпаанек алуу үчүн гана жасалган иш. Чынында Путинге булардын деле капачылык жок. Болгону "для дело" керек болот. Эми нак башпаанек алат

Aslan17

2019-04-03 14:49:11

abusait,,8 мартта нормальный адамдарда жургон парадта.Гей парадка чыктык кугунтук болтат деп Америкага жоношот

aiba_00

2019-04-03 09:00:34

Жон эле журбоптур да.

bond0202

2019-04-03 10:01:35

кандай максат менен чыгышты пикетке,ошол боюнча да сурап маалымат берсе

altyn7776

2019-04-03 10:29:06

Акмактар да. Орустар туура айтат. Семья без уродов не бывает деп. Бизде да ушундай ХХХХ бар.

Shaa-82

2019-04-03 10:48:25

Путин булардын ашын тартып алды бекен э? Орто жолдо байкуш мигранттарыбызга эле кыйынчылык жаратышат булар. Якутияда эмне болду бир зоокурду деп канчалаган кыргыздар жапа чегип атат. Эми булар жон эле турбайбы.

AykaMer

2019-04-03 12:24:27

Шамал болсо эле митинг,пикетке чыкмай адаты бар ушул кыргыздардардын тообо,хотя эмнеге? кимге каршы чыгып жаткандарын өздөрү түшүнүшпөйт тообо кылдым.Бир туруп Кытайга каршы чыгат,анан эле Тажиктерге чыгып калат.Эми Путин эле калды эле пикетке чыкпаган..
Путин акылдуу жана сабырдуу экен дагы да.Башка болгондо Кудай сактасын мигранттарды айдап,карызды төлө дейт беле,ким билет?!

milan-707

2019-04-03 13:31:30

AykaMer,Путинге бул Эко прикол коргондой эле коруп койсо керек

KG.Kushtarbek

2019-04-03 14:28:02

Звезда бололуу дегенго

Комментарий калтыруу үчүн өз ысымыңыз менен кириңиз же каттоодон өтүңүз.