"Цементтелген ажаткананын тешигине чоң адам батпагандыктан эмне кыларыбызды билбей калдык" дейт ажатканага түшүп кеткен 1 жарым жаштагы наристени куткарган жаран

Урмат Маматов

Ажатканадан наристени алып чыккан Эламан Абдилашимов

Кечээ, 2-апрелде Бишкектеги Арча-Бешик конушунда дааратканага 1 жарым жашар кыз түшүп кеткен. Наристени коңшулары 7 жашар баланы аркан менен дааратканага түшүрүп, аман алып калышкан. Бул тууралуу SUPER.KG порталына наристени ажатканадан алып чыккандардын бири Урмат Маматов билдирди.

Анын айтымында, окуя саат 17:00 чамасында орун алган. Анда 2 жарым жана 1 жарым жашар кыз короонун ичинде ойноп жатып, кичинекейи ажатканага түшүп кеткен.

"Мен бул үй-бүлө менен кошуна турам. Жумуш кылып жатсам эле кыйкырык чыгып калды. Барсак эле кыз дааратканага түшүп кетиптир. Эмне кыларыбызды билбей калдык. Себеби ажаткананын отурчу жери цементтелгендиктен, тешигине чоң адам батпайт. Тереңдиги 5 метрдей бар. Цементти талкаласак сыныгы кыздын бир жерине тиеби деп да корктук. Ал убакта кыз ыйлап жаткан, бир убакта үнү чыкпай калды. Көчөгө чыгып эле ойноп жүргөн бир кичине баланы чакырдык.

Анын белине аркан байлап эле түшүрдүк. Алгач бала көрүнбөй жаткан. Эламан түшөрү менен алдынан бирөө түртүп жибергенсип, өйдө чыгып калды окшойт. Эламан шак эле көтөрүп чыкты. Мен ала коюп эле крандагы агып жаткан муздак сууга бир сыйра чайкай салып, үйгө көтөрүп кирдик. Ошол замат ооруканага алып кетишкен. Азыр кыздын ден соолугу жакшы экен. Эч жеринен жаракат албаганын айтышты. Ал эми биз ымыркайды аман алып калып жатканыбызга сүйүнүп жатабыз", - дейт Маматов.

Ошондой эле алар ӨКМнын куткаруу кызматын чакырышкан эмес. Болгону тез убакытта чара көрүлгөндүктөн кыз аман калды деп кошумчалайт Урмат Маматов.

Ал эми кызды куткарган баланын аты-жөнү Эламан Абдилашимов 2-класстын окуучусу. Анын бул эрдигин кошуналары баалап, ал эми наристенин ата-энеси ыраазычылык билдирип жатышат.

Автор: Айсалкын Качкынбекова
Фото: Урмат Маматов

15:32 03-04-2019

Жазылуу

РУБРИКАДАГЫ СОҢКУ КАБАРЛАР

19:58 2025-06-27 | Бизнес-Инфо

Дем алыш күндөрүн чоң футбол менен өткөрүңүз – Saima + O!TV менен бирге көрүңүз 24 0

19:55 2025-06-27 | Түркүн дүйнө

"Атамда армян каны бар". Филипп Киркоров армениянын өкмөт башчысы Пашинянга кайрылды (видео) 94 0

19:26 2025-06-27 | Коом жана турмуш

Ноокаттагы Ак-Булактын тургундары өз эсебинен айылына көпүрө салышты 128 0

19:05 2025-06-27 | Коом жана турмуш

Баткендеги чек араны тосуу иштери, аскерлерге болгон камкордук (видео) 367 0

18:49 2025-06-27 | Коом жана турмуш

Ысык-Атада Такыр-Төр көлү ташып, 180 адам эвакуацияланды 558 0

18:39 2025-06-27 | Кылмыштар, кырсыктар

Кызды бетке чапкан милиция кызматкери үй камагына чыгарылды 492 0

Архив

Комментарийлер (8)

Saidochka

2019-04-03 15:38:42

Азаматсынар,!!!Кыздын корор куну бар экен,кудайга шугур!

+17

gulzat85

2019-04-03 17:11:52

Азаматсыз.кудай сактаптыр

titanik32

2019-04-03 17:38:41

Туалеттин тешигин ошончо да чоң кыласыңарбы,даже 2-класстын окуучусу батып кетиптир.Дагы жакшы наристе аман эсен куткарылыптыр.Негизи туалеттин тешигин өзүңөрдүн чама чаркыңарга размерине карата эле жасасаңар.Жөн эле уй чыча тургансып аңырайтып жасап койбой.

+18

Jagym94

2019-04-03 18:43:19

Өх,кудайыма шүгүр!!!Көздөн жаш тегеренди

shirinai

2019-04-03 19:48:52

Азамат. Чыныгы эр журок мырза. Экоонун ден ден соолугу чын,омуру узун болушсн.

topi

2019-04-03 20:17:36

Azamatsyn besh saga ,,, Jany baatyr payda boldu seni kanday baatyr dep atasak eken

Nur777

2019-04-03 20:40:08

Эламанга да ,Маматов деген жаранга да сыйлык тапшырылышы керек!Азаматсынар,бул кылган жакшылыгынар озунорго жуз эселеп кайтсын,чон эрдик кылдынар...

Michelangelo

2019-04-04 01:41:45

Жакшы жытына ууланып калбаптыр, этият болуу керек.

Комментарий калтыруу үчүн өз ысымыңыз менен кириңиз же каттоодон өтүңүз.