Александр Крестинин: "Жеңишти колдон чыгарып жибергенибизге газондун абалы чоң таасирин тийгизди"

"Дордой" - "Алтын Асыр" беттешинде талаа ээлеринин жеңишти колдон чыгарып жиберишине оюн талаасындагы газондун таасири чоң болду. Мындай пикирин беттештен кийинки маалымат жыйынында бишкектик клубдун башкы машыктыруучусу Александр Крестинин билдирди.

Анын айтымында, өткөн жылы оюн талаасы мыкты даярдалган.

"Беттеш баарыңыздар көргөндөй кызыктуу болду. Биздин оюнчулар бир топ кооптуу абалдарды түзө алганы менен, жыйынтыктоочу этапта бир аз көйгөйлөр орун алды.

Газондун абалы да оюнга чоң таасирин тийгизди. Биз сапаттуу газонго муктаж экендигибизди көрүп турдуңуздар. Өткөн жылы Индия курама командасы менен ойногонубузда талаанын абалы абдан жакшы эле. Бирок жеңишти колдон чыгарып жибергенибизге талаа күнөөлүү эмес. Өзүбүз түзгөн мүмкүнчүлүктөрдү толук пайдаланышыбыз керек эле.

"Алтын Асыр" өз стилинде узун пастар аркылуу жөнөкөй чабуул коюу менен ойнойт деп күткөнбүз. Баары биз күткөндөй болду, атаандаш бизге эч кандай табышмактуу оюн көргөзгөн жок. Демек, беттештин соңку мүнөттөрүндө жеңишти колдон чыгарып жибергенибиз үчүн жоопкерчиликти өз моюнубузга алышыбыз керек.

Павел Матяш бүгүн абдан жакшы оюн көргөздү. Азия Кубогундагы Павел башка, бүгүнкү Павел башка. Атаандаш эсепти теңеген учурда да бир нече жолу дарбазаны сактап калды. Матяш өз милдетин так аткарды. Анын аткарган жумушуна мен толук канааттандым", - деди Крестинин.

АФК Кубогунун тайпалык баскычынын алгачкы турунда орун алган "Дордой" - "Алтын Асыр" беттеши 1:1 эсебинде тең чыгуу менен жыйынтыкталды. Мелдештин кийинки турунда бишкектик команда Тажикстандын "Худжанд" клубу менен беттешет. Оюн 17-апрелде Худжанд шаарында өтөт.

Автор: Бекболот Сарыбаев
Фото: Бекболот Сарыбаев

23:18 03-04-2019

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (12)

Bekbosh

2019-04-03 23:30:58

Полядан чаң чыгатко чиркин, жашыл чөптөн чаң чыгат деген эмне деген шумдук болом. Биздикилер мыкты оюн көргөзүштү азаматсыңар.
Ушул оюнду чоңдордон бирөө жарым көргөн болсо жогорку кеңеште стадион тууралу маселе көтөрөт деп үмүт кылып туралы, бирок убакыт көргөзөт

ninja82

2019-04-03 23:39:37

аккула ат майданы дагы мынча чаныбайт чындыгында.

kanybek1986

2019-04-03 23:53:19

Уят эле стадиондун тусуну кара

Munar90Munar

2019-04-03 23:53:42

Бизда поляны коруп тан калып жазып да жаттык поля жеенбековтун бетиндей болуп калыптырго

Azat.97

2019-04-04 00:50:03

Munar90Munar,Жээнбековто бет жок да.

Scorpion_09

2019-04-04 11:52:00

Munar90Munar,ха ха ха жардын

-4

NURSAPAR

2019-04-04 13:09:47

Munar90Munar,Жээнбековдо не күнөө ,жыл айлана элек го. Тоогуң туубаса да Жээнбеков дей бер. Ойлонуп сүйлөгүлө да.

Mambetali

2019-04-04 09:27:54

Бийликтин спортко болгон мамилеси уят уят дагы бир жолу уят...

expert.007

2019-04-04 10:15:34

Кийинки оюнду Ошко келип өткөргүлө. Биздеги газон февралда эле көгөрүп даяр болуп калган

nur_zhoni

2019-04-04 12:28:34

Поляга деле акча болунот чоп остургону бирок ал жетип келбейтда жеп койушат

taalay25

2019-04-04 15:41:50

Стадиондун жетекчилигин кызматтан кетириш керек! Ото эле уят! Башка жакты корбогондо мен да унчукбай калмакмын. Бир газонду даярдаганга беш алты ай керек дейт. Мен Москвада Спартак, Лужники стадиондорунда иштегем. Жаан чачындан футбол аянтын коргош анчалык деле кыйын эмес. Газон остуруп кароого ала турган бригада алса иш анчалык татаал болбойт. Андай газон сугара турган, футбол аянтын жаан чачындан коргоп жаба турган жабдыктар, газон тегиздеп кырка турган машиналар Кыргызстанда деле бар. Коруп ж

Ulan2601

2019-04-04 16:35:55

Ааламда жок поля бизде бар да эх чиркин!

Комментарий калтыруу үчүн өз ысымыңыз менен кириңиз же каттоодон өтүңүз.