"Кудай алдында, ыйык мечитте туруп айтып жатам, мен таза иштедим" деди экс-президент өзү курдурган мечиттин ачылышында

Бүгүн, 4-апрелде Бишкек шаарындагы 7-кичи райондо жаңы мечит ачылды. Ал жалпы аянты 2 гектардан ашык жер тилкесине салынып, курулуш иштери мурдагы президент Алмазбек Атамбаевдин каржылоосунда жүргүзүлгөн. 5 миң кишиге ылайыкташкан мечиттин ачылышына Алмазбек Атамбаев, Кыргыз мусулмандар дин башкармалыгынын муфтийи Максатбек Токтомушев, дин аалымы Абдышүкүр Нарматов, дин кызматкерлери, шаар тургундары катышты.

"7-Апрель шейиттери" деп аталган мечиттин ачылышында алгач жалпы арбактарга багышталып куран окутулду.

Өз сөзүндө экс-президент 7-Апрель Кыргыз тарыхындагы маанилүү күн экенин белгилеп, президент болуп турганда аны майрам күн кылганын айтты.

"Бул күн тарыхта майрам катары калсын дедим. Албетте, ошол күнү жакындарын жоготкондор мени туура түшүнөт, бул дагы деле кайгылуу күн. 7-Апрель - Аксы окуясынан кийинки эле маанилүү окуя. Кудай алдында, ыйык мечитте туруп айтып жатам, мен таза иштедим. Бирөөнү пара бер же жамандык кыл деп эч качан айткан эмесмин. Буга Кудай, тарых күбө болот.

Ушул мечитке берилген жер тилке менин менчигимде 25 жыл турду, "мамлекеттин жерин берип койду" деп айтып чыгышпасын. Мунун четиндеги гранит таштары "Ала-Тоо" аянтынан келген жок, досторумдун жардамы менен алып келдик. Ушак кетет, ушак тараткандар да кетет. Бир гана Кудайдан коркуш керек, мен Жаратканга миң мертебе ыраазымын, Жараткан мага берген сайын берип жатат. Жүздөгөн мектептерди салдым, мусулманмын, ошондуктан мечит салуу - милдетим", - деди ал.

Ошондой эле мечиттин сыртына 7-Апрелдеги окуядан каза болгондордун аты-жөнү жазыларын кошумчалады. Жаңы мечитке Абдышүкүр Нарматов имам болду.

Автор: Кызжибек Раимова
Фото: Эрназар Таштанбаев

14:49 04-04-2019

Жазылуу

РУБРИКАДАГЫ СОҢКУ КАБАРЛАР

19:51 2025-07-07 | Саясат

Сел жүрүп жатат... Бишкек-Ош унаа жолунун Токтогулдагы бөлүгү убактылуу жабылды (видео) 230 0

19:43 2025-07-07 | Коом жана турмуш

"Мал десең арданат..." Бишкектин вице-мэри айдоочунун жоругу тартылган видео менен бөлүштү 176 0

19:15 2025-07-07 | Саясат

Садыр Жапаровдун Тажикстанга аз убакытта кайра барышы боюнча түшүндүрмө берилди 586 0

18:53 2025-07-07 | Коом жана турмуш

Буллингге кабылган балага жардам. Агартуу министрлиги социалдык ролик менен бөлүштү 176 0

18:06 2025-07-07 | Кылмыштар, кырсыктар

Психотроптук дарылар табылып... Бишкекте 3 түнкү клубда текшерүү жүрдү 421 0

17:54 2025-07-07 | Саясат

Транспорт министри Нарындагы нааразычылык жараткан жолдор боюнча маалымат берди (видео) 789 0

Архив

Комментарийлер (36)

interpol

2019-04-04 18:05:51

Ушуну көрөргө көзүм жок, жадакалса сүрөтүн көргүм келбейт!!!

+11

Azat.97

2019-04-04 18:39:15

Сокеге караганда тоочолук ойдо иштеген.Соке эмне кылды 2 жыл болду го.

Fatimka

2019-04-04 18:43:55

Аллах ыраазы болсун. Туура жол көргөзсүн.

Busi06

2019-04-04 18:45:13

Атамбаев Мечит салдым деп мактанбасада болот,Убагында Президент болуп турган да андай Мечиттен, жана башка курулуш иштерин салдырып Кыргызстанды Гул кылып кетсе анан мактанса жарашат эле,Мечитти азыр Айылда жеке ишкерда салып койот,салуу Эржигиттин милдети,Мамлекеттин акчасын канча канча асманга сапырдынар эми кускулада, Ким таза иштеди Ким жеди 1 Кудай билет Элдин алдында калп айтуу, Кудай алдында жооп береер кун келет!

AIA-TOO

2019-04-04 19:10:55

Эми 10 грамдык рюмкада кызылынан урбасаң мечиттин сообу тийет, эгер ура берсең кечирип кой?.

Salaf

2019-04-04 19:18:35

Теңирчилер өрттөнүп кетишиптирго байкуштар)).

elchi84

2019-04-04 19:19:20

Актана берет экен да кандай иштегенин кордук го 5 жыл аркага кеттик кытайларга кен дерибизди иштеткени 10-15 жылга ижарага берип койдук.Эми барып кайта бергиле деп сурап коргулочу?

Kristianuronaldu

2019-04-04 22:22:09

Мына тенирчилер ислам еместер кобойуп бараткандыгы окундурот жада калса бул жерде да коп динсиздер емнегер мн мактана аласынар?

-1

Dalil

2019-04-04 21:26:02

Кыскасы сөз жок да бул кишиге. Соопчулук үчүн салганга караганда башкача жыттанып жатат бул ишинен. Исламда жакшылык кылсаңда анын сообу тийиш үчүн көмүскө кыл дейт. Мечитти салганы жакшы бирок мындай атап, ичинде мындай сөздөрдү сүйлөгөнү туура эмес. АША ажо болгон 5 жыл уялганыман шапкамды басып кийип жүрдүм эле. А бул дагы да балп эткенин койбоду.

jigit.paren

2019-04-04 21:30:58

Баарыңар эле атеист болуп кеткенсинерби Кудайдан корксонор боло мечит Аллахтын үйү эмес дегенди кантип айтып жатасыңар, ушу мечиттен далай инсандар ыйманга келип силер айткан эр азаматтарыбыз кудай деп анан бала бакча мектептерди сала башташат, чынында азыркы Сокеге караганда бир топ жакшы иштерди жасады.

altyn7776

2019-04-04 21:35:18

Арам акчасына салбай эле койсо болмок. Бийлик эртерээк кустура албады АШАны. Бул жагвнан Соке женилди.

-4

brentfo

2019-04-04 21:42:32

Эмии туугандар бул сөзүнө дагы жооп берет, бирок мен урдаба алдаба, деген эмесмин дегени туура эмес, Куранга кол коюп антбергенден баштап, арбир болгон ишке жооп беришкерек.

Romantik.

2019-04-04 22:08:38

Ал мейли)) сыртынан тартып киргизип койсоңор болмок экен

aydinnur

2019-04-04 23:50:25

Атамбаев азамат, жакшы иштерди жасап кетти, Жээнбеков окшоп куда сөөк, күйөө балдарды чогултпай

-1

brentfo

2019-04-05 00:14:08

Алмазбек Атамбаев эми кичине өзүнө келгендейго беш жылда жүдөп, какап, зорго жүрдүле, эми ол акыбал Сооронбай Жээнбеков го өтүптүр

-1

eddi.

2019-04-05 08:04:20

АША ак иштедиби көк иштедиби аны бир кудай билет

Комментарий калтыруу үчүн өз ысымыңыз менен кириңиз же каттоодон өтүңүз.