"Уран кенин казууда зыяны жок деп жаткандар, ошол жерге барып жашагыла" дейт манасчы Дөөлөт Сыдыков

"Уран кенин казууда зыяны жок деп жаткандар, ошол жерге барып жашагыла", - деп бүгүн, 7-майда Жогорку Кеңеште коомдук талкууда манасчы, уран кенин казууга каршы митингдердин катышуучусу Дөөлөт Сыдыков билдирди.

Ал уран кенин чалгындоого уруксат алып, казып жаткандар мыйзам алдында жооп бериши керектигин айтты. "Ысык-Көлүбүздү соолутуп, элибизди оорутсак ким жооп берет? Ошол бабаларыбыздан калган дүйнө маданиятына салым кошкон адамдардын тукумун жок кылганга кимдин, кандай акысы бар?" - деди Сыдыков.

Учурда Жогорку Кеңеште уран казууга биротоло тыюу салууга багытталган мыйзам долбоору боюнча коомдук талкуу өтүп жатат.

Автор: Жылдыз Джускембаева