Өлкөдө турак жайлардын жана жашоочулардын тизмесин тактоо иши башталды

Улуттук статистика комитети эл жана турак жай фондун каттоого даярдык көрүү жана өткөрүү иш-чараларын жүргүзүп жатат. Бул тууралуу аталган мекемеден билдиришти.

Маалым болгондой, 2019-жылдын 22-апрелинен тартып бир ай ичинде өлкө боюнча даректик регистр тизмесин тактоо боюнча иштери жүргүзүлүүдө. Бул иш-чарага 3386 регистраторлор тартылган, эл жашай турган турак жай курулуштарын жана жашоочулардын санын, тизмесин тактоо үчүн регистраторлор өздөрүнүн аймактарын кыдырып чыгышы керек.

Бул иш-чара өкмөттүн "Кыргыз Республикасында 2020-жылы Эл жана турак жай фондун каттоого даярдык көрүү жана өткөрүү жөнүндө" ылайык ишке ашырылууда.

Автор: Нургазы Аматов