Абитуриенттин эсине: Жалпы республикалык тесттин босого баллы белгилүү болду

Билим берүү жана илим министрлиги 2019-2020-окуу жылында абитуриенттерди жогорку окуу жайларына кабыл алууда босого чек болуп 110 балл коюлганын билдирди. Бул чек бардык окуу жайларына, тактап айтканда, мамлекеттик жана жеке менчик жогорку окуу жайлары үчүн бирдей күчкө ээ. Бюджеттик да, контракттык бөлүмдөргө тапшыруу да ушул эреже менен жүрөт. Жогорку окуу жайларга тапшырууда предметтик көрсөткүч мурдакыдай эле 60 балл деңгээлинде калды.

Абитуриенттер жогорку окуу жайга тапшыруу үчүн босого баллдардын тизмеси:

Негизги тест - 110 балл;

Англис тили - 60 балл;

Химия - 60 балл;

Биология - 60 балл;

Физика - 60 балл;

Тарых - 60 балл;

Математика - 60 балл.

Автор: Амирбек Исмаилов