super.kg logo
  Спорт  

13 миң көрүүчү келген Кыргыз-Палестина беттеши 2:2 эсеби менен жыйынтыкталды. "Ак шумкарлар" оюндун соңку мүнөттөрүндө жеңишти колдон чыгарып жиберишти (хронология)

 

Кутмандуу кечиңиздер менен ардактуу футбол күйөрмандары. Бүгүн, 11-июнда Бишкек шаарындагы Дөлөн Өмүрзаков атындагы стадиондо Кыргыз өлкөсү менен Палестина курама командаларынын жолдоштук беттеши орун алат. Оюн сентябрь айында баштала турган 2022-жылдагы Дүйнө чемпиондугуна даярдануу максатында өтөт.

SUPER.KG порталы Азия Кубогунан кийинки "Ак шумкарлардын" алгачкы беттешин жеринен онлайн түрүндө сунуш кылат. Андыктан биз менен бирге болуңуздар!

19:23. Учурда күйөрмандар үчүн ар кандай оюн-зооктор жана көңүл ачуучу чакан концерттик программалар болуп жатат.

19:27. Командалар оюн алдындагы машыгууларын өткөрүп жатышат.

19:40. Бүгүнкү беттешти казакстандык калыстар тейлешет. Башкы калыс Артём Кучин болсо, ага капталдан Евгений Бельский менен Сергей Васютин жардам берет.

19:54. Командалар талаага чыгып, эки өлкөнүн гимндери жаңырууда. Кыргыз курамасы ак, Палестина кызыл форма менен ойнойт.

20:00. Калыстын ышкырыгы жаңырып, беттеш башталды. Топту ортодон талаа ээлери кошту.

20:03. Кыргыз футболчулары алгачкы жолу дарбазага жакындап келишти. Бирок кооптуу абал жарата алышкан жок. Учурда талаа ээлеринин чабуулуна коноктор жооп берүүдө.

20:07. Алгачкы мүнөттөрдө кыргыз футболчулары топко бир аз көбүрөөк ээлик кылганы менен топ талаанын ортосунда гана кармалууда.

20:09. Оюндун 9-мүнөтүндө алгачкы сокку узатылды. Мирлан Мурзаевдин тепкен тобу дарбазадан өйдө кетти.

20:15. "Ак шумкарлар" ылдам чабуулга чыгышты. Бекжан Сагынбаевдин чыгарып берген пасына алгачкы болуп атаандаштын дарбазачысы жетип барды.

20:19. Коноктор чабуулга чыгышты. Айып аянтчага жакын жерден Турсунали Рустамов эреже бузуп, сары кагазга ээ болду. Палестина курамасы кооптуу аралыктан айып сокку аткарат.

20:20. Айып соккудан көтөрүлгөн топко биринчи болуп кыргыз коргоочулары жетишти.

20:23. Коноктордун оюну жанданып, тез-тезден дарбазага жакындап келе башташты.

20:25. Айып аянтчадагы күрөштөн Ахлиддин Исраилов жаракат алып, учурда медициналык жардам көрсөтүлүүдө.

20:27. "Ак шумкарлар" катары менен 2 жолу бурчтан чыгаруу аткарышты. Бирок чыгарылган топко дарбазачы биринчи болуп жетти.

20:30. Муролимжон Ахмедовго карата эреже бузулуп, коноктордун оюнчусу сары айып кагазына ээ болду.

20:31. Гоол! Турсунали Рустамов Чыгарылган топту башы менен сүзүп, гол жаратты. Эсеп 1:0.

20:35.Коноктор дароо гол менен жооп берип коё жаздады. 11-номердеги чабуулчу дарбазачы менен бетме-бет чыгып, бирок дарбазага түз тебе алган жок.

20:38. Мирлан Мурзаев дагы бир мүмкүнчүлүктү пайдалана албай калды. Талаанын орто ченинен узатылган пас Мурзаевге жетип барганы менен таамай сокку узата алган жок.

20:41. Бул ирет Мурзаев атаандаштын 2 оюнчусун алдап өтүп, айып аянтчасына пас чыгарып берди. Бирок командалашы мүмкүнчүлүктү пайдалана алган жок.

20:45. Биринчи таймдын негизги убактысы жыйынтыкталып, 1 мүнөт кошулду. Бул убакытта атаандаш эсеп санын теңегенге аз калды.

20:46. Калыстын ышкырыгы жаңырып, командалар тыныгууга кетти.

21:01. Оюнчулар талаага чыгып, беттеш уланууда. Эки командада тең бирден алмашуу орун алды.

21:04. Гол! Кайрадан баш менен узатылган сокку, кайрадан гол. Бул ирет Бекжан Сагынбаев баарынан бийик секирди.

21:07. Мирлан Мурзаевге бул беттеште ийгилик жылмайбай жатат. Бир нече коргоочуну жазгырып барып, сокку узатаарда топту тарттырып жиберди. Ошондой болсо да Мурзаевдин кооз оюн көрсөткөнү күйөрмандардын колдоосуна ээ болууда.

21:13. Гол! Палестина курамасы эсептеги айырмачылыкты кыскартты. Айып соккудан Тамер Сеямдын тепкен тобу дарбазанын бурчунан орун алды.

21:19. Коноктордун голунан кийин "Ак шумкарлар" коргонууга ыктай баштады. Коноктор бир нече ирет чабуул жасаганга үлгүрдү.

21:21. Мирлан Мурзаев дарбазачы менен бетме-бет чыгып кала жаздады. Бул ирет аны офсайд абалы токтотту.

21:23. Талаа ээлери акырындап өздөрүнө келе баштады. Ишенимдүү түрдө топту атаандаштын жарым талаасында кармап, кези келгенде чабуул жасап жатышат.

21:28. Дагы бир кооптуу абал коноктордун дарбазасынын жанында жаралды. Жакын аралыктан тебилген топ коргоочуга тийип калды. Кыргыз футболчулары бурчтан чыгаруу аткарат.

21:31. "Ак шумкарлар" катары менен 3 жолу бурчтан чыгаруу аткарды. Акыры топ атаандаштын дарбазачысынын колуна келип түштү.

21:33. Коноктордун көптөн күттүргөн чабуулу орун алды. Узатылган сокку дарбазадан өйдө кетти.

21:37. "Ак шумкарлардын" катарында алмашуу. Мурлимжон Ахметовдун ордуна Гүлжигит Алыкулов талаага чыкты.

21:42. Беттештин негизги бөлүгүнүн аякташына 5 мүнөт калганда оюн жандана түштү. Эки тарапка тең кезек менен чабуулдар уюштурулууда.

21:43. Айып соккусунан узатылган топ кыргыз оюнчуларынын колуна тийип, пенальти дайындалды.

21:44. Гол. Палестинанын оюнчусу 11 метрлик айып соккуну таамай аткарып, эсепти теңеди.

21:46. Беттештин негизги убактысы соңуна чыгып, кошумча 4 мүнөт кошулду.

21:50. Калыстын ышкырыгы жаңырып, беттеш соңуна чыкты. "Ак шумкарлар" Азия Кубогунан кийинки алгачкы беттештин соңку мүнөттөрүндө жеңишти колдон чыгарып жиберишти.


кошулду


Кыргыз-Палестина 2:2. Тамак бүткөнчө кыйкырык менен өткөн беттешинен видеорепортаж

Автор: Амирбек Исмаилов
Оператор: Мундуз Нурланбек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(7)
11.06.2019. 19:56 
Тайпасы:
Жаран
Комментарийлердин саны:
267
Катталган:
23-07-2018
Соӊку аракети:
26-06-2019 00:35
Жынысы:
Белгисиз
0
онлайн жазуу турундобу же корсотосунорбу?
11.06.2019. 20:12 
Тайпасы:
Жаран
Комментарийлердин саны:
0
Катталган:
07-12-2018
Соӊку аракети:
25-06-2019 02:09
Жынысы:
Белгисиз
0
Алга Ак Шумкарлар
11.06.2019. 20:51 
Тайпасы:
Жаран
Комментарийлердин саны:
33
Катталган:
09-12-2014
Соӊку аракети:
25-06-2019 14:21
Жынысы:
Белгисиз
0
Гооооол!!!!!
11.06.2019. 21:07 
Тайпасы:
Жаран
Комментарийлердин саны:
33
Катталган:
09-12-2014
Соӊку аракети:
25-06-2019 14:21
Жынысы:
Белгисиз
0
Экинчи гооол!!!!
11.06.2019. 21:52 
Тайпасы:
Жаран
Комментарийлердин саны:
1442
Катталган:
12-09-2017
Соӊку аракети:
25-06-2019 19:48
Жынысы:
Белгисиз
0
2-0го женип атып акырында тен ойноп,женишти алдырып жибериштиби(((
11.06.2019. 23:02 
Тайпасы:
Жаран
Комментарийлердин саны:
116
Катталган:
17-08-2014
Соӊку аракети:
25-06-2019 18:42
Жынысы:
Белгисиз
Калаасы:
===>
+1
Шорпонун балааасы мыкты экен
12.06.2019. 03:34 
Тайпасы:
Жаран
Комментарийлердин саны:
59
Катталган:
25-02-2019
Соӊку аракети:
26-06-2019 02:34
Жынысы:
Белгисиз
+1
Стадиондун кейпин кара уят
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
128088;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: