Бишкекте Аба-десанттык аскер бөлүгүнүн 83 жылдыгы белгиленди

Аба-десанттык аскер бөлүгүнүн 83-жылдыгын белгилөө Бишкектеги Д.Асанов атындагы сейил бактан орун алды

Аба-десанттык аскер бөлүгүнүн ардагерлери майрамдын урматына 100 граммдан чөйчөк көтөрүштү

Иш-чаранын салтанаттуу ачылышы

Ан-2 учагы асманга көтөрүлүп 4 парашютчуну жерге таштады

Парашют менен секирген жоокерлер 5-6 мүнөттө жерге түшүп жатышты

Парашютчулардын дагы бири жерге "конду"

Кезектеги парашютчан жоокер жерге жакындап калды

Парашютчулардын дагы бири жерге "конду"

Акыркы парашютчу асманда

Учактан акыркы болуп секирген парашютчу

Майрамдык иш-чарага улуу-кичүү дебей көпчүлүк келди

Аба-десанттык аскер бөлүгүнүн ардагерлери медаль менен сыйланышты

Жогорку Кеңештин депутаты Ахматбек Келдибеков да учурунда аба-десанттык бөлүктө кызмат өтөгөн.

Иш-чарада "Пантерра" атайын даярдыктагы аскер бөлүгүнүн жоокерлеринин күжүрмөн даярдыгы көрсөтүлдү

Мышыктай шамдагай жоокерлердин өнөрү көпчүлүктү кайдыгер калтырбады

Бүгүн, 2-августта Бишкектеги Д.Асанов атындагы сейил бакта КРнын Куралдуу күчтөрүнүн Аба-десанттык аскер бөлүгүнүн түзүлгөндүгүнүн 83 жылдыгына арналган салтанаттуу иш-чара болуп өттү. Иш-чараны Десанттар союзунун башчысы, Улуттук Гвардиянын отставкадагы полковниги Табылды Аскарович ачып, бүгүнкү иш-чаранын максаты - Аба-десанттык аскер бөлүгүнүн 83 жылдыгын куттуктоо жана жаш муундарды патриоттук сезимге тарбиялоо экенин айтты. Улуттук Гвардиянын командири, генерал-майор Асанбек Алымкожоев, убагында аба-десанттык аскер бөлүгүндө кызмат өтөгөн Жогорку Кеңештин депутаты Ахматбек Келдибеков, Улуттук Гвардиянын алгачкы командири Абдыгул Чотбаев жана башкалар катышты. Иш-чарада Ан-2 учагы абага көтүрүлүп, андан 4 аскер парашют менен секиришти. Аба-десанттык аскер бөлүгүнүн ардагерлерине ардак медалдарды тапшыруу аземи болду. Иш-чара “Пантера” атайын даярдыктагы аскер бөлүгүнүн жоокерлеринин күжүрмөн даярдыгын көрүү менен аяктады.

Автор: Кайрат Кенжебаев
Фото: Кайрат Кенжебаев