Акыркы 3 күндө Солтон-Сары кенинде кандай окуялар орун алды? (хронология)

3-августта Солтон-Сарыдагы алтын кенин иштеткен "Жоңжи майниң" ("Zhong Ji Mining") кытай компаниясы менен жергиликтүү тургундардын ортосунда пикир келишпестик чыккан. Мындан улам эки жаран жабыркап, облустук ооруканага жаткырылган. Компаниянын бир канча өкүлү Нарын РИИБине сурак берүүдө.

Бул чырдан улам 4-августта Нарындын 30га жакын малчысы чогулуп, пикир келишпестикке кытай компаниясынын өкүлдөрү күнөөлүү экенин айтышкан.

Кечээ, 5-августта чыр уланып, 500дөн ашык адам чогулуп, кен комбинатын куруп жаткан кытайлык "Zhong Ji Mining" компаниясына барган. Алар компаниянын кызматкерлерин кендин аймагынан чыгып кетүүсүн талап кылышты.

Тургундар менен кытайлык жумушчулар бири-бирине карата таш ыргытышып, компаниянын кызматкерлерин сабап салышкан. Таш жеңил унаалар менен техникаларга да тийген.

Тургундар компаниянын айрым жүк ташуучу автоунааларынын терезесин сындырып, тоодон ылдый айдап түшкөн. Алар талаптары аткарылмайынча кетпей турганын билдирип, боз үй тигип, Солтон-Сарыда түнөштү. Өкмөттүн Нарын облусундагы ыйгарым укуктуу өкүлүнүн басма сөз кызматынын маалыматына ылайык, бүгүн ал жерге биринчи вице-премьер-министр Кубатбек Боронов барат.

Маалымат үчүн: Солтон-Сары алтын кени Бишкек шаарынан 355 чакырым алыстыкта жана деңиз деңгээлинен 3 миң 500 метр бийиктикте жайгашкан. Аталган алтын кени Бучук, Ак-Таш жана Алтын-Төр деген 3 участоктон турат. Кенде 20 тоннанын тегерегинде алтындын запасы бар.
"Zhong Ji Mining" кытай компаниясы алтын кенинде 2009-жылдан баштап чалгынчылык иштерин жүргүзүп, 2013-жылы 2033-жылдын апрель айына чейин кендин бардык 3 тилкесин иштетүүгө лицензия алган.

10:30 06-08-2019

Солтон-Сарыда кытай компаниясына каршы чогулган эл

Солтон-Сарыдагы абал

Жергиликтүү жашоочулар Кытай жумушчуларын техникасы менен кошо кууп чыгышты

Кочкордо Солтон-Сарыдагы абалдан улам жол жабылды

Нарындыктар “Жоржи Майнинг” компаниясынын лицензиясы жокко чыгарылуусун талап кылышууда

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

11:52 2024-04-24 | Кылмыштар, кырсыктар

Чолпон-Атада 2 индиялык жаран көлгө чөгүп кетти 63 0

11:47 2024-04-24 | Кылмыштар, кырсыктар

Жалал-Абадда 73 турак үйдү сел каптады (сүрөт) 84 0

11:32 2024-04-24 | Маданият, шоу-бизнес

"Элден бата алып, той берем" Куудул, актриса Назира Жетигенова 50 жашка чыкты 141 0

11:29 2024-04-24 | Кылмыштар, кырсыктар

Чүйдүн тоолуу аймактарында сел жүрдү 170 0

11:20 2024-04-24 | Коом жана турмуш

Бишкекте коомдук транспорттордо жол кире акысы жогорулабайт 129 0

11:12 2024-04-24 | Коом жана турмуш

Бишкектин Ак-Босого конушунда бала бакчанын курулушу уланууда 133 0

Архив

Комментарийлер (6)

Abdizhapar

2019-08-06 10:38:56

Кубатбек Бороновту да кытайларга кошуп кууш керек пайдасы жок жеп ичкенден башканы билбеген бок курсакты

Bektur2011

2019-08-06 10:56:54

Атамбаев менен Зилалиев сатпаганда мынчалык абалга кептелбейт эле. Ошолорду да алып барыш керек

-2

altyn-kumush

2019-08-06 10:56:13

Олконун тынчтыгын бузган провокаторлор Солтон-Сарыга да жетип барышыптыр! Деги эле кыргыздын тынч жашоосун коро албай коюшту го

-2

altyn-kumush

2019-08-06 10:56:49

Сабырдуулук менен чечели койгойлорду ачуулукка алдырып, провокаторлорго алданбай

SHAHDAR

2019-08-06 10:59:48

@Тургундар менен кытайлык жумушчулар бири-бирине карата таш ыргытышып, компаниянын кызматкерлерин сабап салышкан. Таш жеңил унаалар менен техникаларга тийген.@
А больницада жаткан жарадар кыргыз жигиттер жонундо жазбайсыздар?? Кытайлар биринчи ташбаранга алышкан.

Abdizhapar

2019-08-06 21:41:59

Ушундай иштер азыркы президенттин жакшы иштебей жатканынын жыйынтыгы

Комментарий калтыруу үчүн өз ысымыңыз менен кириңиз же каттоодон өтүңүз.