УКМК: "Латвиянын укук коргоо органдары Зилалиевдин үй-бүлөсүнө кылмыш ишин козгоду"

Тектеш кабарлар: Зилалиевге карата "бомба" тамашасынан тышкары дагы бир кылмыш иши козголду (44 материал)

Латвиянын укук коргоо органдары мурдагы вице-премьер-министр Дүйшөнбек Зилалиевдин үй-бүлөсүнө кылмыш ишин козгоду. Бул тууралуу бүгүн, 7-августта Улуттук коопсуздук боюнча мамлекеттик комитетинин басма сөз кызматынан билдирди.

Маалыматка ылайык, Зилалиевдин жубайына жана балдарына карата акчанын изин жашыруу фактысы боюнча кылмыш иши козголду. Бул иш Зилалиевге мыйзамсыз баюу фактысы боюнча Кыргыз мамлекетинде козголгон кылмыш ишинин алкагында козголду. Интерполдун Рига шаарындагы бюросунун маалыматы боюнча Зилалиевдин жубайы Латвиянын ири банктарынын биринде өзүнүн балдары үчүн эсеп ачкан. Депозиттик эсептер Жамиля, Алима, Бектур Зилалиевдердин наамына катталган. Эсептер аркылуу бир нече жолу акча которуулар болгону айтылат УКМКнын маалыматында.

Зилалиев 2010-2017-жылдары мамлекеттик органдардагы түрдүү кызматтарды ээлеп, баасы анын расмий кирешесинен жогору мүлктөрдү сатып алган деп айыпталууда. Белгиленген 7 жыл ичинде ал Коргоо кеңешинин катчылыгынын катчысынын орун басары, Геология жана минералдык ресурстар боюнча агенттиктин башчысы, Өнөр жай, энергетика жана кен пайдалануу боюнча комитеттин төрагасы, вице-премьер-министр жана Мамлекеттик мүлктү башкаруу фондунун төрагасы кызматтарын ээлеген.

Зилалиев 2-апрелде жасаган кайрылуусунда ага экс-президент Алмазбек Атамбаевге каршы көрсөтмө берүү сунушу түшкөнүн айткан. "Эгер ушундай көрсөтмө берсем, мен күбө катары суралып, УКМКнын тергөө абагынан бошотуларымды убадалашты" деген мурдагы вице-премьер.

10:16 07-08-2019

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

20:05 2024-05-04 | Коом жана турмуш

Бишкектен Ошко учкан учак авариялык жагдайдан улам кайра конду 2177 0

19:39 2024-05-04 | Коом жана турмуш

Чүйдө жол жээгиндеги баш аламан соода-сатыктар иретке келтирилүүдө 635 0

18:09 2024-05-04 | Коом жана турмуш

ИИМдин кызматкерлери Чолпон-Атада өткөн эл аралык марафонго катышты 397 0

17:48 2024-05-04 | Коом жана турмуш

Сузак окуясы боюнча милиция жетекчилери кызматтан алынды 1792 0

17:25 2024-05-04 | Коом жана турмуш

Самат Эркинбеков: "Аялды муштум менен эмес, акыл менен деле башкарса болот" 1048 0

15:55 2024-05-04 | Коом жана турмуш

Өлкөдө канча соода борбору бар экени белгилүү болду 1238 0

Архив

Комментарийлер (7)

Aza17

2019-08-07 10:26:46

Жардам берели
Жардам берели
Жардам берели
Бул уй булого тезинен ооруу ойлоп табалы

Aza17

2019-08-07 10:39:53

Эми Дуйшонбек уйбулосу м.н чогу ооруйт.
Биздин медиктер буларга ооруу ойлоп табышат.

+11

toktor89

2019-08-07 14:01:06

Aza17,давлениясы тушуп ынжыктап олоюн деп атат деген диагноз коюшат эми

Qwer007

2019-08-07 10:51:22

Тамагына таш тыгылгыр, жаш эле туруп неге ушундай сук болушат. Ушудардын айынан жаны торолгон баладан 90догу карыяга чейин ар бир жарандын мойнунда 40-45000сом карыз илинип турат

nargiz-sa

2019-08-07 11:04:16

Тешип чыксын канча адамдын ырыскысын оксуткон

nursultan93

2019-08-07 14:48:07

Колумдан келсе бул адамды кыйнап олтурмокмун моңгуну талкалаган ушул

Qwer007

2019-08-07 15:05:08

nursultan93, ошо монгу учун алган акчалар болсо керек, эл саткыны деп ушуларды айтса болот

Комментарий калтыруу үчүн өз ысымыңыз менен кириңиз же каттоодон өтүңүз.