Нарын мамлекеттик коругунда "Бугу, маралдарды коргоо" долбоору ишке ашууда

Нарын мамлекеттик коругунда “Бугу, маралдарды коргоо” долбоору ишке ашууда. Бул тууралуу аталган коруктун илимий кызматкери Улан Нааматбеков билдирди. Долбоордун алкагында Нарын районунун Таш-Башат айылынын 10 тургуну кызматка алынды жана “Ийри-Суу бугу-марал” питомнигине экологиялык көмөкчү чарба уюштурулду. Мындан сырткары кызматкерлерге 72 даана атайын кийимдер алынып берилди. Алдыда коруктагы жаныбарлар, өсүмдүктөр жана курт-кумурскалар тууралуу 3 китеп жазуу пландаштырылууда. Нааматбековдун айтымында, корукта жалпы 44,2 миң долларлык иштер жасалат. Коруктан аянты 91054 гектар, учурда ал жерде 25 бугу, марал бар.

Автор: Кайрат Кенжебаев