Кой-Таштын тургундарына карата коркутуулар болуп жатабы? Ички иштер министрлигинин жообу

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

Укук коргоочу Рита Карасартова социалдык тармактагы баракчасына Кой-Таш айылынын тургуну кайрылганын, ал үйүнө бара албай жатканын жазып чыкты.

Анда кайрылган аял тергөөчүлөр Кой-Таш айылында жүргөнүн, алар алдынан кезиктиргендерди кармап алып, суракка алып, 2 миң доллар акча талап кылып жатышканын айткан. Эгер тургундар баш тартса тергөөчүлөр массалык башаламандыкка тиешеси бар деген айып тагарын айтышыптыр.

Ошондой эле билдирүүдө жергиликтүү ооруканага жаракат алып кайрылгандар болсо СИЗОго алып кетип жатышкандыктан, жабырлануучулар дарыканага кайрылбастан өз алдынча дарыланып жатышканы жазылган. Аталган айылдын жашоочулары милиция бөлүмүн өрттөө, банктарды тоноо жана башка кылмыш иштерин жасаган деп издөөгө алынганын Кой-Таштын тургуну билдирген.

Жогоруда айтылгандар чындыкка дал келбей турганын Ички иштер министрлигинен маалымдады.

"ИИМ 7-8-августтагы окуя боюнча тергөө иштери калыс жана мыйзамдын негизинде жүргүзүлөрүн маалымдайт. Учурда ички иштер органдары тарабынан бардык тийиштүү иш-чаралар жүргүзүлүп, маалымат агенттиктерине, массалык маалымат каражаттарына жарыяланган фото жана видеоматериалдар текшерилип жатат.

Мыйзам бузуулар боюнча ачылган кылмыш ишинин иликтениши ар тараптуу жана калыс жүргүзүлөрүн баса белгилеп айтабыз. Ички иштер органдарынын кызматкерлери мыйзам чегинде гана иш алып барышат. Эч кандай опузалоо, коркутуу болбойт. Эгер укук коргоо органдарынын кызматкерлери тарабынан кандайдыр бир мыйзам бузуулар болсо жарандар ИИМге же прокуратурага арыз менен кайрылса болот", - дейт маалымат кызматынан.

Автор: Бактыгүл Момбекова

16:44 13-08-2019

Жазылуу

РУБРИКАДАГЫ СОҢКУ КАБАРЛАР

11:25 2024-05-18 | Коом жана турмуш

Алымкадыр Бейшеналиев жаагы сынган пакистандык жаранга барды 549 0

10:39 2024-05-18 | Кылмыштар, кырсыктар

Бишкектеги түндөгү окуя: ИИМ эртең мененкиге карата билдирүү жасады 993 0

10:18 2024-05-18 | Кылмыштар, кырсыктар

Бишкек ШИИББдин башчысы кармалган чет элдик студенттер эмне болорун айтты 1048 0

09:41 2024-05-18 | Коом жана турмуш

Камчыбек Ташиев түндө Бишкекте чогулгандардын арасында куралчан адамдар дагы болгонун айтты 1312 0

09:36 2024-05-18 | Кылмыштар, кырсыктар

"Экинчи кайталанбайт". Бишкекте жергиликтүү тургундарды сабаган чет элдиктер кечирим сурашты (видео) 1782 0

06:11 2024-05-18 | Кылмыштар, кырсыктар

Бишкекте чогулган эл сүйлөшүүдөн кийин таң атпай тарады 1881 0

Архив

Комментарийлер (4)

nabievich

2019-08-13 17:26:19

ГЕЙ парад уюштурган Рита бул жактанда акча иштегиси келген го озу

tular

2019-08-13 19:07:06

Чындыгында ушундай болуп жатат! Журналисттер келсе элдер айтып бергенге даяр экен!!! 2000 долларды УКМКнын кызматкерлери штраф деп коркутуп жатышыптыр...

Chungyz

2019-08-13 19:55:07

Лотерея болуп жатат окшойт

Aikaaaa

2019-08-13 23:40:04

Бул бийликтен баарын күтсө болот

Комментарий калтыруу үчүн өз ысымыңыз менен кириңиз же каттоодон өтүңүз.