Курсан Асановдун жактоочусу президент жана премьер-министрге кайрылып, Кашкар Жунушалиевди кызматтан четтетүүнү өтүндү

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

Ички иштер министринин мурдагы орун басары Курсан Асановдун жактоочусу Икрамидин Айткуловдун билдирүүсү тарады. Билдирүүнүн толук тексти төмөндөгүдөй:

"14-августта мен Ички иштер министринин мурунку орун басары Курсан Асановдун жактоочусу катары Аскер прокуратурасында суракка катыштым. Асановдун үйүн тинтүү учурунда да болдум.

Маалыматты ачыкка чыгарбоого кол коюп бергениме байланыштуу учурда көп нерсени айта албайм. Мындан сырткары, ИИМдин кызматтык иликтөөсүнүн бүтүмү менен таанышып чыктым.

Баса белгилеп кете турчу жагдай, эмне себептен ИИМдин ички иликтөө кызматынын жүргүзгөн иликтөөсүнүн жыйынтыгы Курсан Асановго тааныштырылбай туруп, алгач ЖМКларга чыгып кетти? Кызматтык иликтөө жүргүзүлүп, анын жыйынтыгы шашылыш чыккан. Ал жыйынтыктар толук кандуу далилденген дагы эмес. Курсан Асановдун жана көптөгөн башка адамдардан түшүндүрүүлөр да алынган эмес.

Кызматтык иликтөөнүн бүтүмү Курсан Асановду кызматтык кылмышты жасады деп шектеп жатат. Анын жыйынтыгы тергөө жолу менен иликтенбей туруп ЖМКларга жарыяланышы Ички иштер министри өзү кызматынан кыянаттык менен пайдаланып, конституциялык айыпсыздык презумпциясынын принциптерин, ички иштер органдарынын ишмердүүлүгүнүн регламентинин нормативдик укуктук актыларды бузууда.

Менин оюмда Кашкар Жунушалиев бул нерсени өзүнүн кызыкчылыгы үчүн жасап, орун басары өзүнүн милдеттерин андан жакшы аткаргандыгы үчүн аны жаманатты кылгысы келди. Муну менен Курсан Асановдун укуктарына жана мыйзамдуу кызыкчылыктарына зыян келтирилип милициянын кадыр-баркына доо кетти.

Мындан улам, мен иликтөө иштери бейтарап болуусу үчүн Кыргыз өлкөсүнүн президенти, премьер-министрине кайрылып Ички иштер министри Кашкар Жунушалиевди кызматынан четтетүүнү өтүнөм. Себеби бул иштеги көп күбөлөр азыркы милиция кызматкерлери жана аларга кысым жасалышы мүмкүн", - дейт жактоочу.

Автор: Мальвина Уметбекова

09:52 15-08-2019

Жазылуу

РУБРИКАДАГЫ СОҢКУ КАБАРЛАР

23:45 2024-05-17 | Коом жана турмуш

Бишкекте чет элдиктердин катышуусундагы мушташ: Өч алуу үчүн 100дөй адам чогулду (видео) 2144 0

22:47 2024-05-17 | Саясат

"РСК Банктын" аты "Элдик Банк" болуп өзгөрөт". Садыр Жапаров жакшы жаңылык менен бөлүштү 783 0

22:16 2024-05-17 | Түркүн дүйнө

Англияга велосипед менен 1 жылда жеткен монголиялык күйөрман стадиондо ыйлады (видео) 791 0

21:41 2024-05-17 | Спорт

"Жеңүү оңой эле". Ислам Махачев Конор Макгрегор менен беттешүүгө даяр экенин айтты 861 0

21:02 2024-05-17 | Түркүн дүйнө

Бишкекке келип кеткен Малайзиянын премьер-министри казак президентине торт белек кылды 896 0

20:18 2024-05-17 | Кылмыштар, кырсыктар

Бишкекте милиция кызматкерлери 100 миң сом пара алып жаткан жеринен кармалышты (фото) 961 0

Архив

Комментарийлер (18)

kechirmeni

2019-08-15 10:01:40

Атамбаев калып эми Асановго анан Жунушалиевге отот окшойт, бул сериалдар качан бутот, Кыргызстан онугуу жолуна качан отобуз???

+18

Bektur2011

2019-08-15 10:18:03

Президентти аралаштырбагыла. Азыр заман башка, ажобуз сот ишине кийлигишпейт. Маселени озунор чечкиле

-21

Skarlett-Skarlett

2019-08-15 14:05:03

Bektur2011,Жалама десе

aydinnur

2019-08-15 14:16:51

Bektur2011,дедиң анан))) Туура байкапсың, заман башка, Бакиев бер жакта калды.

Shabi

2019-08-15 10:20:48

kechirmeni, бийлик Жунушалиевти кызматтан албайт го.булар бир команда болсо керек

+13

rysik79

2019-08-15 10:06:47

Тажатышты го...

+13

titanik32

2019-08-15 10:16:04

Бизде Кыргызстанда качан саясатты бүтүрүп сөздөн ишке өтөбүз?Өлкөбүздө эч тынчтык болбой ызы чуу эле болуп жатабыз,башка өлкөлөрдөн мынчалык ызы чуу көрүп укбадым.Алыска барбай эле мына бизге атаандаш Өзбек Тажик Казак өлкөлөрү тынч эле жашап жатышат.Бир аз ызы чуусу болсо да басыла калып.ИИМ жетекчиси Кашкар Курсан Асановдун авторитети Кой таш окуямынан котөрүлүп кетип көрө албай жаткан го.Бул жагы бешиктеги балага да белгилүү болуп калды.Уят эй чоңдор бири бириңди аңдыбай өлкө үчүн иштегилечи

+11

altyn-kumush

2019-08-15 10:25:32

Асанов кылган былыкка озу гана жооп берсин! Озуно тапшырылган ишти аткарбаган генерал башкадан бир нерсе талап кылууга укугу жок

-18

Absamat-90

2019-08-15 10:28:06

Короодо жумуш калды иш кылгыла, биздин кыргыз саясаты Санта Барбаранын сериясынан коп.

+12

Jaznura

2019-08-15 10:36:19

Күч түзүмдөрүндөгү купуялуулукту, айрым ньюанстарды билбей туруп ойду-келди жаза бербегилечи. Асановдун ким экенин, кандай вазийпаны аткарганын жетекчилер жакшы билишет

nabievich

2019-08-15 10:36:46

Курсан Асанов туура эмес кадамга барып калды эгер кыргыз миллициясына чыккынчылык боюунча иши далилденсе шерменде болот

-4

XAN-TORO

2019-08-15 11:03:25

Ушу саясатынар тойгозду. Тойгондо да уже батпай калды. Колумдан келсе саясий багыттагы ЖМК сайттардын баарын жок кылмакмын! Саясаттын оордуна руханий маданий пайдалуу кенештер сыяктуу макалаларды же айыл арасындагы толгон токой бутпогон маселе же онор адамдарын чагылдырса

tular

2019-08-15 12:54:58

XAN-TORO, эн туура...

kechirmeni

2019-08-15 11:24:53

айыл чарба экономика деген нерсе ноль болуп калды туугандар, качан онолобуз?

Jaznura

2019-08-15 12:10:25

Кыргызстандын онолушуна бир эле киши кедергисин тийгизип турган. Буюрса эми онолобуз. Жакшылыктан умут узбоо керек

-3

aza84

2019-08-15 12:33:01

Баары жакшы болот умуту узбойлу...

raikakyz

2019-08-16 00:15:51

Уят! Уят! Уят! Кашкар Курсанга ичи тарлык кылганы даана билинип жатат.Потстова!!!

raikakyz

2019-08-16 00:16:31

Потстава...

Комментарий калтыруу үчүн өз ысымыңыз менен кириңиз же каттоодон өтүңүз.