"Апта ичинде ашмалтайы чыкты". Бишкекте ачылган жаңы сейил бактагы "жаныбарлардын" жанына барууга тыюу салынды

30-августта Кыргыз өлкөсүнүн Эгемендүүлүк күнүнө карата Чыңгыз Айтматов кең көчөсү менен Абсамат Масалиев көчөсүнүн кесилишинде жайгашкан сейил бактын ачылыш аземи өтүп, салтанаттуу аземге өлкө башчы Сооронбай Жээнбеков катышкан.

Сейил бак ачылганына көп өтпөй, ал жерде сүрөткө түшкөндөрдүн саны арбыган. Көп узабай социалдык тармактарга көпчүлүккө күтүүсүз болгон видео жарыяланып, талкууга түшкөнү белгилүү. Анда 2 кыз бири-бирин сүрөп "жашыл жаныбардын" үстүнө чыгып алып сүрөткө түшкөнү тартылган. Ага катар эле интернетке мындай жорук менен сүрөткө түшкөндөрдүн көп экенин көрсөткөн сүрөттөр тарады.

SUPER.KG порталы “Ынтымак” эс алуу багына барып, ачылганына бир апта да өтө электеги абалы менен таанышты. Аз күн аралыгында ал жактагы жаныбардын формасында жасалган топиарлар жакшы эмес абалга келген. Мындан тышкары, жаңы көчөттөрдү сындырып, эс алуучу жайды таштандыга толтуруп кеткен көрүнүштөр болгон. Мындан улам эми сейилдөө үчүн келгендерге топиарлар жайгашкан жерге кирүүгө тыюу салынды. Бул тууралуу Бишкек шаарынын вице-мэри Рыспек Сарпашев төмөнкүлөргө токтолду.

“Балдар үчүн ачылган топиарларды ачык койгонбуз. Алардын үстүнө чыгып, сүрөткө түшүп, кээ бир тургундар тартипсиздик кылды, аны баары билет. Биз дагы шаардыктардын аталган топиарларга мындай мамиле кыла турганын билген эмеспиз. Учурда ал жак жабык, чынжыр менен тосулган жана “кирүүгө болбойт” деген эскертүү жазуулары илинди. Бул жакка биротоло эле элди киргизбей коёлу деп ойлоп жатабыз. Мындай топиарлар сейрек эле жерлерде бар. Алар атайын балдардын көңүлүн көтөрүп, жакшы маанай тартуулоо үчүн коюлган”, - деди Сарпашев.

Учурда милиция кызматкерлери сейил бакты көзөмөлгө алууда.

“Эгер болбой эле тургундар тосмодон ашып кирип, дагы сындырса анда ал адамга чаралар көрүлөт” дейт вице-мэр.

Алты күнгө араң түткөн парк: Эми “жаныбарлар” менен сүрөткө түшкөнгө болбойт

Автор: Гүлшат Ысамамат кызы
Фото: Гүлшат Ысамамат кызы

10:21 05-09-2019

Жазылуу

РУБРИКАДАГЫ СОҢКУ КАБАРЛАР

15:59 2025-06-26 | Коом жана турмуш

Ош облусунун жетекчиси Ноокат–Кызыл-Кыя жолундагы оңдоо иштеринен кабар алды 34 0

15:46 2025-06-26 | Коом жана турмуш

Эртең Бишкектин айрым аймактарында суу өчүрүлөт 57 0

15:19 2025-06-26 | Түркүн дүйнө

"Интер" жана "Ривер Плейт" клубдарынын беттеши массалык мушташ менен аяктады (видео) 301 0

14:48 2025-06-26 | Түркүн дүйнө

Мессиге 98 жаштагы америкалык апа өзгөчө сунуш жасады (видео) 720 0

14:35 2025-06-26 | Коом жана турмуш

Оштогу “Кайырма” каналынын жээгин көрктөндүрүү иштери башталды 348 0

14:16 2025-06-26 | Бизнес-Инфо

MBANK жалган маалымат тууралуу эскертет 383 0

Архив

Комментарийлер (14)

anonymous

2019-09-05 10:31:31

Касса койуп мингениң Миң сомдон дегенде көрөт элем мингенин

+30

souza.j

2019-09-05 10:35:15

Акмакчылык да

+17

katerina.li

2019-09-05 10:39:53

Жапайыбыз. Аны моюнга алыш керек. Орустар бараны десе таарынып коебуз даны,аларды свинья деп

+33

Eli.91

2019-09-05 10:45:39

Админ ошондо суроолорунарга кайдан жооп беребиз?

-4

Dembele84

2019-09-05 10:50:43

А эми биздин дикийлерге жон койсон уйуно деле суйроп кетет аны,меники болсун,менин уйумдо турсун деп

+23

Shabi

2019-09-05 10:53:33

Жазабайт дейбиз,жазаса аны минип талкалайбыз.баарыбыз тен эле баягы"государства толоп берет" дегендей мамиле кылабыз го

+20

Aikaaaa

2019-09-05 11:33:26

Анан түкүргөнгө штраф кылат деп нааразы болобуз, анын баары өзүбүздүн жапайылыгыбыздан, маданиятсыздыгыбыздан, этиканы билбегендигибизден. Түкүргөн эмес, башка туура эмес баскан турганыбыздан өйдө штраф киргизчүле калкпыз да негизичи

+39

bema_bema

2019-09-05 13:00:44

Шумдуктуудай калкпызда,россияда да кыргыздар бир жерге иштей албай мушташып ,ушакташып шумдук болушат.Айтсан беттен алып талап кетишет.Мойунга алып,озубузду ондойлу,тарбиялайлы,маданият деген нерсе жок бизде.

+21

Samatalibei

2019-09-05 14:07:11

Туура тосуп койушпаса тытып салат эми. Акмактар эми эмнени минип суротко тушот болдекен... Кочодо тентиген иттер бар ошолорду минип тушсонор болот. Лайк баскандар аябай коп болмок.

+20

BarsBaatyr

2019-09-05 17:43:08

Малдан айырмасы жок калкпыз да

+11

daniel87

2019-09-05 19:12:42

Эн туура Россияда иштейм коргондун корбогону курусун ,иш талашып урушуп жаткан,жамандап жаткан бири бирин ,билбейм Билимсиздин ,тарбиясыздын баары ушул Россияга толуп алдык окшойт,

+13

Omush94

2019-09-05 19:57:24

Тупойлор жакшы жердин баркына жетпеген 5500 айыпты ушундай акмактарга да салгыла коомду сыйлабаган өзүн сыйлап жарытпайт

+10

jalgyzym

2019-09-06 04:56:49

Ии бир башкача калкбыз озу мойунга алыш керек, 2014-жылы Екатеринбург шаарында Радуга деген чон парк ачылган. Ошол жерге да ушундай жаныбарлар Маша-медведь жасалып койулганын коргом, мындан 2-кун мурда барсам ошолор ордунан да жылбаптыр жакшынакай бойдон турат. Адамдар бирого куно койгончо ар бирибиз озубузду ондойлучу

xnurgul_gul

2019-09-06 10:31:03

Мал болот экен озу Кыргыздар менин омуру гул эгилбеген домдун астына гул отургузсам жулуп салышыптыр бироосун дагы койбой

Комментарий калтыруу үчүн өз ысымыңыз менен кириңиз же каттоодон өтүңүз.