Кой-Ташта каза болгон спецназ Үсөнбек Ниязбековдун үй-бүлөсүнө "Эрдик" медалы тапшырылды (сүрөт)

Үсөнбек Ниязбековдун уулу Тимур Ниязбеков

Үсөнбек Ниязбековдун жубайы Назира Базарбаева

Үсөнбек Ниязбековдун бир тууганы Асанбек Ниязбеков

Үсөнбек Ниязбековдун апасы Өктөм Мамаева

Президент Сооронбай Жээнбеков Кой-Ташта каза болгон спецназ Үсөнбек Ниязбековдун апасы Өктөм Мамаева, жубайы Назира Базарбаева, бир тууганы Асанбек Ниязбеков жана уулу Тимур Ниязбеков менен жолугушту. Өлкө башчы Ниязбековдун жакындарына "Эрдик" медалын тапшырды. Бул тууралуу бүгүн, 6-сентябрда президенттин аппаратынан маалымдады.

Мамлекет башчы 2019-жылдын 7-августундагы окуяда курман болгон Улуттук коопсуздук мамлекеттик комитетинин кызматкери, полковник Үсөнбек Ниязбековдун жакындарына көңүл айтты. Ниязбеков бүт өмүрүн мекенге кызмат кылуу, жарандардын коопсуздугун жана өлкөдөгү тартипти камсыздоого арнаганын белгиледи. Террористтик түзүмдөрдү жок кылуу боюнча бир катар операцияларга ийгиликтүү катышып, улуттук коопсуздук органдарынын ар түрдүү ведомстволук сыйлыктарына ээ болгон.

Сооронбай Жээнбеков Үсөнбек Ниязбековдун курман болушу анын үй-бүлөсү, жакындары гана эмес, мамлекет үчүн дагы чоң жоготуу болгонун баса белгиледи.

Ал эми Үсөнбек Ниязбековдун апасы өлкөдө тынчтык жана туруктуулук болуп, энелердин көз жашы төгүлбөсүн деген каалоосун билдирди. Өктөм Мамаева президент кыргыз элинин бакубатчылыгы үчүн жемиштүү иштөөсүн каалады.

Президенттин Үсөнбек Ниязбековду аскердик милдетин аткаруудагы көрсөткөн жеке каармандыгы үчүн "Эрдик" медалы менен сыйлоо (курман болгон соң) жөнүндөгү жарлыгына 27-августта кол коюлган.

7-августта Кой-Ташта Алмазбек Атамбаевди кармоо боюнча атайын операция учурунда УКМКнын "Альфа" атайын бөлүгүнүн командиринин орун басары Үсөнбек Ниязбековго ок тийип жарадар болгон. Ага чукул операция жасалганына карабай, алган жаракатынан улам каза болгон.

47 жашка чыккан аскер кызматкеринин артында 6 баласы калган.

Автор: Бактыгүл Момбекова

13:36 06-09-2019

Жазылуу

РУБРИКАДАГЫ СОҢКУ КАБАРЛАР

09:59 2025-07-22 | Коом жана турмуш

“Реалдуу иштер менен алектенсеңиз”. Балыкчынын экс-мэри Ысык-Көлдүн губернаторун сынга алды 83 0

09:47 2025-07-22 | Коом жана турмуш

"Балким жашап жаткан жери көрүстөн". Ошто жабылган көрүстөндөрдөн 210 гектар жер бошотулду 243 0

09:36 2025-07-22 | Түркүн дүйнө

Украина Орусия менен сүйлөшүүлөр үчүн Стамбулду тандады 240 0

09:35 2025-07-22 | Коом жана турмуш

Жаратылыш министри Машиев Тоңдогу жейрендерди көрүп келди (фото) 182 0

09:17 2025-07-22 | Коом жана турмуш

Бишкекте 17 жаштагы Асема дайынсыз жоголду 422 0

09:00 2025-07-22 | Маданият, шоу-бизнес

Ay Yola тобу "Мейкин Азияда" "Хомай" ырын аткарды (видео) 483 0

Архив

Комментарийлер (5)

altyn-kumush

2019-09-06 13:53:36

Азамат! Бул медаль баланы кайтарып бербесе да эл анын баатырлык менен курман болгонун дайыма эстеп турат. Медаль аркылуу анын жесир жана жетим калган балдарына жеңилдиктер берилсе жакшы болот.

Absamat-90

2019-09-06 13:56:50

Апа учун баланы жоготуу бул эн оор эч нерсе менен тушундуруп бере алгыс жагдай.Балдар чоноет уйлонот ошол мезгилде кенешкен кишиси атасы жок экени орду толбой турганы билинет.Байлыктын,бийликтин артынан каттуу тушкон канкорду спецназдын олуму токтотту. Байлык деп журуп,Мультидолларовый млнердин кызына берген тарбиясын кордук. Эми салыштыргыла озунор.

Erik2018

2019-09-06 13:59:18

Ниязбектей уулдан айрылып кыргыздын баары жоктоп турат ушул медалды тируу кезде алсан кана апандын суйунучу койнуна батпайт эле го

Abdizhapar

2019-09-06 14:27:53

Эки доо кагылышса ортодо чымын олот болуп эки достун кагылышынын курмандыгы болду бечара Аллах бейишинен орун берсин эки дос наркы дуйнодо кантип жооп берет экенсинер

isarti

2019-09-06 17:44:10

Абдан туура иш болуптур. Эң өкүнүчтүүсү кыргыздардын бирин бири өлтүрүп жатышы. Аттиң дүнүйө.

Комментарий калтыруу үчүн өз ысымыңыз менен кириңиз же каттоодон өтүңүз.