КСДПнын мүчөлөрү Аскердик прокуратуранын алдына топтолуп арестке алынган имараттагы бөлмөлөрдө иш жүргүзүүгө уруксат берилүүсүн талап кылышты

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

Бүгүн, 11-сентябрда КСДПнын мүчөлөрү Аскердик прокуратуранын имаратынын алдына топтолушту. Алар камакка алынган "Медиа Форум" имаратындагы партия иш жүргүзгөн бөлмөлөрдү пайдаланууга берилүүсүн талап кылышты. Бул тууралуу КСДПнын өкүлү Кундуз Жолдубаева маалымдап, төмөнкүлөргө токтолду.

Айтымында, КСДП партиясы "Медиа Форумдагы" бөлмөлөрдү ижарага алып отурушат. Мындан тышкары имараттын бөлмөлөрүн ижарага алып иштеткен партияга тиешеси жок башка да ишкерлер бар.

"Негизи имаратты камакка алганда ижарачылардын ишине тоскоолдук жаралбаш керек болчу. Макул, имарат камакка алыныптыр, бирок териштирүү иштери аяктаганча ижарачылар ишин уланта бериши керек да. Партия ижарага бөлмө алып отурат. А бизде эч нерсени эске албай туруп баарын жаап, кайтарууга алып туруп алышты. Партияга мүчө болом деп келгендерди, партиянын айрым бир иштерин бүтүрүүнү жүргүзүүгө орун жок, иштей албай жатабыз. 50 миң мүчөсү бар партия көчөдө калды.

Ушундай абалдан улам 3-сентябрда биз Аскердик прокуратурага бөлмөлөргө киргизгиле деген өтүнүч менен кат жазганбыз. Буга чейин жооп болбогондуктан бүгүн бул жакка келдик. Аскердик прокуратурадан КСДПнын мүчөсү, Жогорку Кеңештин депутаты Ирина Карамушкинаны кабыл алышты. Ал катты кабыл алган мекеме ага 19 күндүн ичинде жооп берсе боло тургандыгын айтып чыкты. Демек, биз 22-сентябрга чейин күтөбүз", - деди Жолдубаева.

Ошондой эле ал КСДП партиясы "Медиа Форумдагы" бөлмөлөрдү ижарага алып отурганына токтолду. Мындан тышкары, имараттын бөлмөлөрүн ижарага алып иштеткен партияга тиешеси жок башка да ишкерлер бар. Бул көрүнүштү ал мыйзамсыз жасалып жаткан иш-аракеттер деп сыпаттады.

9-августта "Форум" имараты жана "Апрель" телеканалы камакка алынганын ИИМ маалымдаган болчу.

11:16 11-09-2019

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

21:52 2024-05-01 | Маданият, шоу-бизнес

Азиз Батыровдун шакирттери эл аралык сынакка катышат 440 0

21:38 2024-05-01 | Коом жана турмуш

Дайынсыз болуп жаткан 12 жаштагы Раатбек аман-эсен табылды 835 0

21:17 2024-05-01 | Коом жана турмуш

Айылдарда 600 сом болсо, шаарларда 1200 сом. Турак жайды эмне үчүн камсыздандыруу керек? 797 0

20:33 2024-05-01 | Коом жана турмуш

Көңүлдү жаз кылган гүлдөр. Кызгалдактуу талаанын ажайып сүрөттөрү 640 0

20:08 2024-05-01 | Коом жана турмуш

Борбордо Бишкектин 2025-жылга чейинки өнүктүрүү программасы талкууланат 430 0

19:30 2024-05-01 | Коом жана турмуш

Кочкордо өспүрүмдөр арасында республикалык мелдеш башталды 585 0

Архив

Комментарийлер (6)

Jaznura

2019-09-11 11:23:08

Атамбаев абакта жатса деле козутканын койбойт экен да, болду да эми, кечке эле элдин тынчын алып, ар кайсы шоуларды баштай береби?

altyn-kumush

2019-09-11 11:23:21

Ушулардын мээлери жакшы иштебейт десе чычалашат! Кичине башты да иштетиш керек да, жон эле которуп журо бербей!

Absamat-90

2019-09-11 11:24:00

Силер туура эмес адресске барып алыпсынар, ал жакка эмес Пархатиге баргыла, ал жер ошол балага карайт, аны Атамбаев бир эле жолу коргон.Силер шылтоо менен экинчи жоллу коросунор.Кызыксынар ай,камоого алынган дегенди билбейсинерби,атанардын кезинде мыйзам бузуп конгон экенсинер.

chake

2019-09-11 11:25:04

Ачка калышкан го байкуштар

Erik2018

2019-09-11 11:28:00

Бул жерде Атамбаевдин чоң катасы бар. Кылгылыкты кылган озу ошол жооп берсин мыйзам чегинде.

altyn-kumush

2019-09-11 11:37:48

КСДПнын айрым мүчөлөрү жана анын "атасы" Атамбаев ал жерде иштеген элдин тагдырын өзүнүн арам саясатын жасардан мурда ойлосо болмок. Ал жерде бардык кыңыр иштер жасалып жатса анан кайсы жерди жапсын карапайым калктын Ош базарынбы? Мындай "стратегисттреге" АШАнын жанындан орун бериш керек. Ошол жерде орун көп кенен иштей берет. Жада калса бирин-бири көрүп чогуу тамактанып турат.

Комментарий калтыруу үчүн өз ысымыңыз менен кириңиз же каттоодон өтүңүз.