Улуттук көчмөндөр оюндары өтө турган Талас облусунда көчмө жыйын өттү

Вице-премьер-министр Алтынай Өмүрбекова 2019-жылдын 16-21-сентябрь күндөрү Талас облусунда өтө турган Улуттук көчмөндөр оюндарына карата даярдык боюнча көчмө жыйын өткөрдү. Бул тууралуу өкмөттүн басма сөз кызматынан билдиришти.

Маалыматка ылайык, Алтынай Өмүрбекова "Манас Ордо" улуттук комплексинин аймагын жана мелдештер өтө турган Талас шаарындагы ат майданды көрүп чыкты.

Өкмөттүн Талас облусундагы ыйгарым укуктуу өкүлү Марат Мураталиев вице-премьер-министрге жүргүзүлгөн даярдык иштери тууралуу маалымат берди.

Ал оюндун маданий бөлүгү – этно шаарча, этно базар жана башкалар "Манас Ордо" комплексинин аймагында, ал эми спорттук ат оюндары Р.Алканов атындагы ат майданда, күрөштүн түрлөрү боюнча "Газпром" дене тарбия жана ден соолукту чыңдоо комплексинде өтөөрүн маалымдады. Учурда акыркы даярдык иштери жүрүүдө.

Алтынай Өмүрбекова бардык даярдык иштерин мөөнөтүндө бүтүрүүнү тапшырды.

"Көчмөндөр оюнунун салтанаттуу бөлүгү президенттин, Жогорку Кеңештин депутаттарынын, премьер-министрдин, өкмөт мүчөлөрүнүн, дипломатиялык корпустун жана эл аралык уюмдардын өкүлдөрүнүн катышуусунда "Манас Ордо" комплексинде өтөт. Ар бир облус маданий программа жана театрлаштырылган оюн-зоок көрсөтөт. Ошондой эле Талас облусуна чет элдик коноктор, туристтер, өлкөнүн бардык аймактарынан мекендештерибиз келет. Оюнга 10 миңден 20 миңге чейин адам келээри болжолдонууда. Бардыгы жогорку деңгээлде өтүшү керек", - деди Алтынай Өмүрбекова.

Вице-премьер-министр көчмөндөр оюндары Кыргыз мамлекетинин брендине айланды, муну туризмди өнүктүрүү үчүн натыйжалуу колдонуу керектигин белгиледи.

Улуттук көчмөндөр оюндары Талас облусунда 16-21-сентябрь күндөрү өтөт. Он улуттук оюн боюнча мелдештер болот.

Автор: Жылдыз Джускембаева

10:01 14-09-2019

Жазылуу

РУБРИКАДАГЫ СОҢКУ КАБАРЛАР

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 22 0

19:39 2025-07-22 | Коом жана турмуш

Ташиев МИКтен биринчи кезекте мугалимдер, дарыгерлер үй алышы керектигин айтты (видео) 213 0

19:24 2025-07-22 | Кылмыштар, кырсыктар

Базар-Коргондо наркы 12 миллион сомдон ашкан бала бакча мамлекетке кайтарылды 133 0

19:13 2025-07-22 | Бизнес-Инфо

Ашыкча төлөмсүз жана ортомчуларсыз. Asman Airlines авиакомпаниясынын билеттерин түздөн-түз asmanairlines.kg тиркемеси аркылуу сатып алыңыз 170 0

19:05 2025-07-22 | Коом жана турмуш

"Жайыраак иштесе дагы". Ташиев курулуш иштерине кыргызстандыктарды гана тартуу тапшырмасын койду (видео) 698 0

18:40 2025-07-22 | Кылмыштар, кырсыктар

Бишкекте курулуш компанияларынын биринин жетекчиси кармалды 541 0

Архив

Комментарийлер (10)

guli-1980

2019-09-14 10:26:31

Кочмондор оюну бизди кембагал кылып бутмой болду го

AsiaBoy

2019-09-14 11:46:37

Талпынып күнгө кол сунган,
Таласың күтөт кел тууган...Кыргыздарды ынтымакка бириктирген жакшы күн болсун

Erik2018

2019-09-14 12:30:17

Кыргыз эли качан гана оз маданиятын сактаганда гана ишибиз алдыга жылат. Мамлекетибиз өсөт Көчмөндөр оюндары бизге абдан керек.

senchi

2019-09-14 12:39:34

Чек араны кайтаргыла бизге Өзбектерден

altyn-kumush

2019-09-14 13:41:34

Мына ушуну эми саясатташтырбагыла! Бул кыргыздын басып откон жолун эске салып турчу иш-чара. Мунун артынан канчалаган туристтер Колго келди эле

Kyrgyz_bloger

2019-09-14 13:51:37

Бийлик элдин ою менен эсептешпей калды,супер силердин сайтынарга дагы бут бийликти мактагандар катталып алыптыр комментарий жазганына акча алып иштесе керек ким кандай жазат билип деле калдык.

Tyty1990

2019-09-14 18:02:21

Тай казанды биз алып бардык эле. Манипулятор менен

Samatalibei

2019-09-14 20:42:44

Кочмондор ойундун азыр кереги бар беле!Ошол каражатка мектеп салсанар кочмондор ойуну куто турмак!

Samatalibei

2019-09-14 20:47:19

Артыбыз бок той кылып Кыргыз кырылмай болдук! Бироолор тойдо тойлоп журсо,Бироолор ачка тойбой журот!

katerina.li

2019-09-14 21:35:01

Чекараны карагыла андан коро.

Комментарий калтыруу үчүн өз ысымыңыз менен кириңиз же каттоодон өтүңүз.