КСДП Атамбаевге: "Буга чейин башкалардын алдында бүжүрөп бүгүлүп, көзүн карап келген Кыргыз мамлекети сиздин тушуңузда башын бийик көтөрдү"

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

КСДП экс-президент Алмазбек Атамбаевди туулган күнү менен куттуктады. Ал бүгүн 63 жашка чыкты. 8-августтан бери УКМКнын абагында кармалууда.

"Сизди туулган күнүңүз менен чын жүрөктөн куттуктайбыз! Акыркы убакта сиздин ысымыңызга канчалык ыпылас, ойго келбеген калп менен жалааны жаап жатышканына карабай, партиялаштарыңыз, баарыбыз үчүн чыгаан инсан жана саясатчы катары үлгү болуп кала бересиз. Сиздин "Намыс өмүрдөн кымбат" деп айткан сөзүңүз биз үчүн дайыма эч кандай кыйынчылыктарга тизе бүктүрбөгөн, акыйкат менен чындыкка умтулткан жана баарыбызды чыйралткан моралдык багыт болуп калууда.

Сиз эгемен Кыргыз мамлекетин ишенимдүү өнүгүү жолуна алып чыгуу үчүн опол тоодой эмгек жасадыңыз жана аны менен өлкөнүн бүгүнкү жетишкен ийгиликтеринин жана жеңиштеринин бекем пайдубалын түптөдүңүз. Улуттук масштабдагы тагдыр чечер ири долбоорлордун баары сиздин тушуңузда ишке ашты жана алар бүгүн кыргыз элинин жыргалчылыгына үзүрлүү кызмат кылууда. Буга чейин башкалардын алдында бүжүрөп бүгүлүп, көзүн карап келген Кыргыз мамлекети сиздин тушуңузда башын бийик көтөрдү. Сиздин каатчылыктын сазына батып, жок болуп кеткени турган өлкөнү тикелеп, алдыга жылдыруудагы жан сабап иштеген ак эмгегиңиз, кошкон эбегейсиз салымыңыз калың эл тарабынан татыктуу бааланар күн сөзсүз келерине, мезгил, тарых баарын таразалап ордуна коёруна ишенип коюңуз.

Сиз жалгыз эмессиз, Кыргыз мамлекетинде сиздин мурасыңызды тебелеп салууга жол бербей турган адамдар бар экенин билип коюңуз. Билебиз, алдыда сизди татаал сыноолор күтүп турат. Бирок мындайдын неченин көрүп, алардын баарынан татыктуу өтүп келгенсиз, ошондуктан бул жолу да моюн сунбай, акыйкатты калыбына келтирүүгө күч-кайратыңыз менен эгерим сынбаган бекем эркиңиз толук жетерине ишенебиз жана мындан түк күмөн санабайбыз.

Бул оор күндөрдү жеңип чыгууда сизге сабырдуулук жана ден соолук каалайбыз. Өзүңүздүн "Тагдырга моюн сунбайм" деген ырыңызда айткандай, бекем болуңуз, кымбаттуу Алмазбек Шаршенович. Биз чогуу күрөшөбүз", - деп жазылат кутуктоодо.

08:08 17-09-2019

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

17:42 2024-05-02 | Кылмыштар, кырсыктар

"Портерди токтотконго жетишпей". Сузактагы үрөй учурган кырсыктын видеосу тарады 413 0

17:32 2024-05-02 | Кылмыштар, кырсыктар

Сузактагы кырсык: Окуучуларды сүзүп кеткен Hyundai Porter унаасынын айдоочусу жок болгон 469 0

17:18 2024-05-02 | Кылмыштар, кырсыктар

Сузакта "Манас" айтып жаткан 29 баланы Hyundai Porter унаасы сүзүп кетти 972 0

17:00 2024-05-02 | Коом жана турмуш

Нарында 28 миллион сомдук спорт зал колдонууга берилди 172 0

16:37 2024-05-02 | Коом жана турмуш

Караколдо 4 миң окуучу "Манас" айтты (видео) 202 0

16:34 2024-05-02 | Саясат

Жапаров Ташкентте Шавкат Мирзийоев менен жолукту. Талкууланган маселелер 308 0

Архив

Комментарийлер (6)

Dembele84

2019-09-17 08:49:17

Туулган кун менее куттуктай турган абал эмес азыр!

bilbeim.dordoi

2019-09-17 09:56:37

Койгулачы, адамды уялтпай))))

al-abu-kinesz

2019-09-17 10:31:54

Мен ашанын иштегенин сезген да жокмун лично

Mister-X

2019-09-17 14:39:04

Мобу тарапташтарында бет барбы?Акаев, Бакиев кеткенден кийин эл тынч эле жашап калды эле.Булар тынчыбай койду го.Кайсы жерде башынарды которуп журдунор?Балп этип суйлоп,президент кантип ушундай создорду суйлосун-деп башыбызды кайра жерге киргизди го.

Anti-S

2019-09-17 18:59:22

Чычкактар сдпканы кырып салыш керк экен

Take_men

2019-09-18 09:44:52

Ии ооба аябай башыбызды көтөрүп жүрүп калбадыкпы алкаштын уурунун убагында

Комментарий калтыруу үчүн өз ысымыңыз менен кириңиз же каттоодон өтүңүз.