"Суперфутбол-2019": "Саясат" командасынын оюнчусу Жаныбек Абиров: "Голду чоң аракет менен киргиздик"

Учурда "Саясатчылар" командасы менен "Журналисттер" командасы футбол боюнча беттешүүдө.

Бишкек шаардык кеңешинин төрагасы Жаныбек Абиров голду чоң аракет менен киргизгенин айтты. "Өзүңүздөр көргөндөй, журналисттер командасы жалаң эле жаш балдардан түзүлүптүр. Биздин командада эң улуусу 58 жашта, ал эми мен 30 жаштамын. Командабызда көпчүлүгү эле 40 жаштан ашып калган байкелер. Алар бүт баары чуркап аракет кылып жатышат. Албетте, бул жакшы көрүнүш, сергек жашоонун далили. ЖМКнын өкүлдөрү бүт баары жаш болгондуктанбы, алдыда келе жатышат. Бирок азыр экинчи таймда азыркыдан дагы күчтүү аракет кылабыз. Биз ынтымакка келтирген жакшы оюн көрсөтөбүз деп келгенбиз. Буюрса мыкты оюн көрсөтөбүз жана утканга аракет кылабыз", - дейт Абиров.

Бүгүн, 6-октябрда "Супер-Инфо" гезити менен SUPER.KG порталы Футбол боюнча улуттук курамды колдоо максатында мелдеш уюштурууда. Анда саясатчылардан, журналисттерден, шоу-бизнес өкүлдөрүнөн жана көк бөрүчүлөрдөн куралган төрт команда ат салышууда.

Автор: Гүлшат Ысамамат кызы
Фото: Гүлшат Ысамамат кызы