"Суперфутбол-2019": Узарбек Жылкыбаев оюн жакшы маанайда өтүп жатканын айтты

Өкмөттүн Ош облусундагы ыйгарым укуктуу өкүлү Узарбек Жылкыбаев бүгүнкү оюн жакшы маанайда өткөнүн айтты. "Спортто ушундай күчтүү команда утат. Биз да өзүбүздү уткандай сезип жатабыз. 20-25 жаштагы балдар менен футбол ойнодук.
Уюштуруучуларга ыраазычылык билдиребиз", - дейт Жылкыбаев.

Саясатчылар журналисттерден 7:4 эсеби менен утулса, шоу-бизнес өкүлдөрүнөн 5:3 эсеби менен жеңилди.

Бүгүн, 6-октябрда "Супер-Инфо" гезити менен SUPER.KG порталы Футбол боюнча улуттук курамды колдоо максатында мелдеш уюштурууда. Анда саясатчылардан, журналисттерден, шоу-бизнес өкүлдөрүнөн жана көк бөрүчүлөрдөн куралган төрт команда ат салышууда.

Автор: Жылдыз Джускембаева
Фото: Бактыгүл Султаналиева