Депутат өлкө боюнча экологиялык-ветеринардык посттордун жетишсиздиги ишкерлерге тоскоолдук жаратып жатканын айтты

Бүгүн, 10-октябрда Жогорку Кеңеште депутат Турсунбаев Азизбек Кыргыз-Өзбек элинин ортосундагы соода-экономикалык абалга тоскоол болбош үчүн ветеринардык постторду курууну сунуштады.

"Кыргыз-Өзбек мамилеси жакшырды. Бирок башка көйгөйлөр бар. Ала-Бука менен өзбек ишкерлери өз ара келишим түзгөн. Анда малды, анын этин сатуу боюнча сүйлөшүү болгон. Бирок ал жерде экологиялык-ветиринардык пост жок болгондуктан, ишкерлерге тоскоолдук жаралууда. Өзбек ишкерлери узак мөөнөттүү келишим түзүп, 150 миң доллар которгон. Ага карабай иш алдыга жылбай жатат", - деди ал.

Автор: Бактыгүл Султаналиева