Кыргыздын сулуусу Бегимай Карыбекованын Инстаграмдагы жеке баракчасына жүктөгөн жарым жылаңач сүрөтү суктанууну да, талкууну да жаратты. Колдонуучулардын көбү белгилүү моделдин келишимдүү келбетине мактоолорду жаадырса, ал эми айрымдарына денесин ачык бойдон элге көрсөткөнү жаккан эмес.
"Адамды жүзүнөн эмес, кылган мамилеси, жүрүм-туруму аркылуу сындаш керек. Социалдык баракчамдагы сүрөттөрүм – бул менин моделдик жашоодогу образым, жашоодо башкачамын. Мындай сүрөттөр окурмандарымдын 10 пайызына жакпаса, калганына жагат. Жашоодо 2 тандооң бар. Сени бирөө сындайт же сен бирөөнү сындайсың. Мен сындалган жакшы деп ойлойм", - деп модель талкууга түшкөн сүрөттөрү тууралуу "Супер-Инфого" берген маегинде өз пикирин билдирген.
Бегимай Карыбекова 21 жашта. Ал 2017-жылы "Кыргызстан сулуусу" сынагынын жеңүүчүсү болуп, андан соң "Аалам сулуусу-2018" сынагына катышкан. Ал Азия жана Европа өлкөлөрүндө өткөн подиумдарга чыгып келет.