Чикагодо кардан тазалоо иштерине жетишпей жатышат

Чикагодо кардан тазалоо иштерине жетишпей жатышат. Бороондун кесепетинен Чикаго аэропорту миңге жакын авиакаттамдарынан баш тартты. Бул тууралуу чет элдик ЖМКлар жазууда.

Маалыматка ылайык, бороондун айынан учактар даярдалган тилкеге тура албай жатат. Жолдордогу абал мындан дагы жаман, кырсыктар көп болууда. Көчөдө суук жана кар тизеден келет. Шаардык тазалык кызматы жолдорду кардан тазалоого жетишпей жатышат. Көчөдө абанын температурасы -20 градус. Мындай суук иштөөгө тоскоолдук жаратып жатат. Сууктун кесепетинен мамлекеттик имараттар жана мектептер убактылуу жабылган. Синоптиктер мындай аба ырайы жакынкы күндөрдө Вашингтон жана Нью-Йоркто болорун эскертишкен.