Сабырбек Жумабеков: "Казакстанда учактан жабыркагандардын арасында операцияга муктаждары дагы деле бар"

Сабырек Жумабеков кесиптештери менен операция жасоо процесси аяктагандан кийин

Операция жасоо процесси учурунда

Кырсыктын кесепетинен бейтаптын эки омурткасы сынып кеткен

Сабырек Жумабеков операция жасоо процесси учурунда

Бишкек Травматология жана ортопедия илим изилдөө борборунун директору Сабырбек Жумабеков 28-декабрда хирургдар тобу менен Алматы шаарында кулап, кырсыкка кабылган учактын кесепетинен жабыркаган жаранга операция жасады. Ал 27-декабрга караган түнү жабыркаган жарандарга жардам берүү максатында Алматы шаарына учкан.

Сабырбек Жумабеков кечээ, 28-декабрда түндө мекенине учуп келди. Ал эми бүгүн, 29-декабрда SUPER.KG порталы Сабырбек Жумабеков менен кырсыктан жабыркаган жаранга операция жасоо процесси тууралуу сүйлөштү. Анын айтымында, учак кырсыгынан жабыркаган жарандардын арасында операцияга муктаждары дагы деле бар. Аларды учурда операцияга даярдоо иштери жүрүүдө.

- Сиз операция жасаган жаран денесинин кайсы жеринен жаракат алган экен?

- Операция эки саат жасалып, ийгиликтүү аяктады. Биз операция жасаган жаран 32 жаштагы жаш жигит экен. Анын кырсыктын кесепетинен эки омурткасы катуу жаракат алып, сынып кеткен. Операция жасалган жаранды эртеси күнү дагы барып көрдүм. Учурда анын абалы жакшы.

- Казакстанга жеке демилгеңиз менен бардыңызбы?

- Бул күтүүсүз болуп кеткен окуя. 27-декабрь күнү Казакстанда жабыр тарткандардын ата-энеси жана жеке менчик бейтапканын чакыруусу менен жаныма негизги делген үч киши менен ал жакка барганбыз. Бул жерде эч кандай саясат жок. Мен дарыгер катары өз ишимди аткарууга милдетүүмүн. Анткени бул иште биз өзүбүздүн астыбызда жана Кудайдын астында ант бергенбиз.

Кырсык болуп кетсе адамдардын ден соолугуна кайдыгер карабашыбыз керек. Коңшу өлкө эле эмес, дүйнөнүн кайсы бурчу болбосун жардам берүүгө даярбыз. Негизи бир адамдын өмүрүн сактап калуу - бул бүт ааламды сактап калганга барабар. Ошондуктан биздин милдетибиз адамдарга жардам берүү жана алардын ден соолугуна камкордук кылуу болуп эсептелинет.

- Жабыркаган адамдардын арасында операцияга муктаждар дагы деле болсо керек...

- Ооба, ал жердеги жабыркагандардын көбү учурда операцияга муктаж. Анткени ооруканаларда денесинен ар кандай жаракаттарды алган бейтаптар жатат. Мындан улам аларды пландуу операцияга даярдоо иштери кызуу жүрүүдө. Жабыркагандарды дароо эле операция жасоого болбойт. Бүгүнкү күндө дагы мага ал жактагы ооруканалардын жетекчилери тарабынан көп чалуулар болуп жатат. Алар бейтаптарга операция жасап берүүнү суранышууда. Операцияга бейтаптар даяр болгондо, буюруса дагы барып жасап келебиз. Ал нерседен баш тартпайбыз, бул биздин милдет катары эсептелинет.

Автор: Гүлшат Ысамамат кызы

13:27 29-12-2019

Жазылуу

РУБРИКАДАГЫ СОҢКУ КАБАРЛАР

22:34 2025-05-12 | Түркүн дүйнө

Күрдистан жумушчу партиясы таркаганын жарыялады 165 0

22:05 2025-05-12 | Коом жана турмуш

Садыр Жапаровдун колунан батиринин ачкычын алган беш балалуу эне президентти алкады (видео) 298 0

21:09 2025-05-12 | Коом жана турмуш

Бишкектик спортчулар Параармрестлинг боюнча Азия чемпионатында мыкты жыйынтык көрсөтүштү 141 0

20:54 2025-05-12 | Коом жана турмуш

Жалал-Абадда Жапаров менен Ташиевдин эл менен чогуу жүргөн видеосу жарыяланды (видео) 1186 0

20:32 2025-05-12 | Коом жана турмуш

Садыр Жапаров Жалал-Абадда МИКтин батирлерин ээлерине тапшырды (видео) 407 0

20:02 2025-05-12 | Кылмыштар, кырсыктар

Бишкекте көчөдө эле аялды ур-токмокко алган эркек киши кармалды (видео) 2044 0

Архив

Комментарийлер (8)

Sajakat14

2019-12-29 14:20:14

Абдан сонун адам, ортопед-хирург! Бар болуңуз Сабырбек Жумабеков агай!Сизге Кудай ден соолук, жакшылыктарды берсин!

+14

Shef87

2019-12-29 14:35:36

Колу дарт көрбөсүн

+11

rafo80

2019-12-29 16:01:33

Мындай адамдар өтө аз кездешет азыркы заманда. Депутаттыктан баш тартты, Минздравтыктан баш тартты, мен креслодо отурсам операцияны ким кылат деп. Өзүнүн кесибин сүйгөн инсан. Бар болуңуз ар дайым Сабырбек агай.

asash

2019-12-29 16:07:14

Колунуз дарт корбосун, Аллахым сизге бекем ден соолук берсин, уй булоонуз, жакындарыныз менен ар дайым аман болунуз, сиз дуйнолук дэнгээлдеги адамсыз,сиз менен кыргыз эли ар дайым сыймыктанат,озунуздун жонокойлугунуз менен ар дайым эл кызматында болунуз, эки дуйно бактылуу инсан болунуз сизге терен ыраазачылык!

Kattaldym

2019-12-29 16:26:18

Акчаны көбүрөөк сурап жиберген гана жери бар да...

-6

Shabi

2019-12-29 16:52:39

Kattaldym,анда сен,акчаны азыраак сурагандарга жазатышын керек болчу.Ушундай адамдар кызык да,эшеги суудан откондон кийин боолду,башкача суйлоп башташат.Главный аман эсен айыктырып жатабы ошого шугур де.Ден соолугун болсо,андай акчанын даагы кобун табасын.

Kattaldym

2019-12-29 17:06:26

Shabi,)

rysik79

2019-12-29 19:58:07

Дуйнодо учоо болсо бироо Сабыкем. Дуйнодогу саналуу ортопед травм-ог дарыгер бул байкебиз.

Комментарий калтыруу үчүн өз ысымыңыз менен кириңиз же каттоодон өтүңүз.