Интернетте бир топ жашка барып калганына карабастан, жеңил-желпи кыймылдап, коньки тепкен аксакалдын видеосу тарады. Анда жазылган билдирүүгө ылайык, видеодогу адам Чаектеги "Кара-Жээк" паркындагы муз аянтчасында коньки тепкен.
Видеону тартып жаткан адам анын кыймылына суктанып, айланадагы жаштар анчалык жеңил кыймылдай албастыгын айткан. Соңунда муз тепкен аксакал мындай чеберчиликте коньки тепкендердин эң улуусу эместигин, андан да жашы улуулар бар экенин айткан.