ЖЭБ иши: Жактоочу: "Сапар Исаковду процесске катышууга көндүрдүк"

Бүгүн, 22-январда Бишкек шаардык сотунда ЖЭБ иши боюнча жактоочулардын апелляциялык даттануулары каралып жатат. Ага Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов, мурдагы финансы министри Ольга Лаврова жана "Электр станциялары" ишканасынын башчысынын мурдагы орун басары Жолдошбек Назаров жана мурдагы депутат Осмонбек Артыкбаев келди.

Буга чейинки отурумда соттук процесстерге катышпайм деген мурдагы өкмөт башчы Сапар Исаковду жактоочулары катышууга көндүргөнүн Замир Жоошев билдирди.

Отурумдун жүрүшүндө аппеляциялык даттануулары боюнча жүйө далилдерин негиздеп жаткан жактоочу Замир Жоошевди судья: "Даттануу боюнча лицензияны жактоочу Нурбек Токтакунов тапшырган, андыктан сиз азыр жүйө далилдериңизди келтирүүгө укугуңуз жок", - деди ал. Мындан кийин сөздү башка жактоочуларга тапшырды.

2019-жылдын 6-декабрында Бишкектин Свердлов райондук соту коррупция боюнча айыпталып жаткандарга карата чечим чыгарган. Анда мурдагы өкмөт башчы Сапар Исаков менен "Улуттук энергетикалык холдинг" ишканасынын мурдагы башчысы Айбек Калиев "коррупция" беренеси менен күнөөлүү деп табылып, 15 жылга эркинен ажыратылган. Мурдагы өкмөт башчы Жантөрө Сатыбалдиев 7 жыл 6 айга соттолсо, депутат Осмонбек Артыкбаев менен мурунку финансы министри Ольга Лаврова айып пул төлөөгө милдеттендирилген.

"Электр станциялары" ишканасынын башчысынын мурдагы орун басары Жолдошбек Назаров жана Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкуловдун жаза мөөнөтү өткөндүгүнө байланыштуу сот залынан бошотулушкан. Ал эми "Электр станциялары" ишканасынын мурдагы башчысы Салайдин Авазов "коррупция" беренеси менен күнөөлүү деп табылып, 11 жыл 3 айга эркинен ажыратылган.

Соттук ишке Ирина Воронцова төрагалык кылууда, ал эми соттук коллегияда Нурбек Эсеналиев жана Нурлан Кожомбердиев.

Автор: Бактыгүл Султаналиева

12:15 22-01-2020

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (5)

Jaznura

2020-01-22 12:36:47

Балким Сапар Исаков Нурбек Токтакунов сыяктуу жактоочунун айынан түрмөдө отургандыр.

-4

robot111

2020-01-22 12:41:59

«Алма сабагынан алыс түшпөйт» деген макалды Сапар Исаков далилдей баштады. Ал мындай аракеттерин «кожоюну» Атамбаев суракка баруудан, андан кийин сот процессине баруудан баш тарта баштагандан бери жасай баштады. Кыязы, ал ушундай жол менен арамзаланып отуруп жоопкерчиликтен кутулам деп жатса керек.

-2

Kairat1996

2020-01-22 13:33:17

robot111,
Ушул Сооронбайдын “жомогуна” ким ишенет эми? Бугунку соттор Сооронбайдын туугандарын, жакындарын коргоп жатканы калппы?Факты керек, факты - деп олтурат. Сапар Исаков фактысы жок эле ак жеринен камалып олтурат. Соке жүргөн жерде чөп чыкпайт. Сооронбай Жээнбеков өзү камалыш керек. Ишин кыйратпаган Соке интрига менен алек. Атамбаевтин аркасы менен бийлике келип алды го. Болбосо Сокенин элдин көрөюн деген деле көзү жок болчу.

Qwer007

2020-01-22 12:41:48

Булар эрке бала болуп алыштыго, барбайм деп, соттор кой келип койчу деп кондуруп. Элден бир жери ашыкчабы булардын? Башка бироо болсо колун кайрып келип эле 1 кундо соттоп жибересинерго

Ernestinio

2020-01-22 13:08:49

Чон иш кылыпсынар Жоошев))) браво))

Комментарий калтыруу үчүн өз ысымыңыз менен кириңиз же каттоодон өтүңүз.