Баш байгеси 100 миң сом. Төкмө акын Баян Акматов эл аралык айтышта жеңүүчү аталды

Төкмө акын Баян Акматов Нарын облусунда өткөн айтышта жеңишке ээ болуп, 100 миң сом менен сыйланды. Иш-чара Муратбек Рыскулов атындагы Нарын облустук театрында 26-январда өттү. Айтыш эл аралык деңгээлде өткөнүн Баян Акматов билдирди.

"Нарында "Кең Тянь-Шань курчалгансың нур менен, казак-кыргыз какшап айтсын ыр менен" аталышындагы айтыш болуп өттү. Ага казак боордоштордон 2, кытайлык 2 акын катышты. Жалпысынан 16 катышуучу болуп, финалга мен, Нурлобек Курманов, Жамайка Токонова жана Турат Жумаев чыктык. Анда мени менен Турат Жумаев, Жамайка Токонова чыкты", - дейт ал.

1-орун Баян Акматовго, 2-орун Жамайка Токонова менен Турат Жумаевге, 3-орун Нурлобек Курмановго буюрду. Мындан тышкары, бардык катышуучуларга сертификаттар тапшырылганын кошумчалады.

Автор: Бактыгүл Момбекова