Орусияда төрт Кыргыз жараны тоноого шектелип кармалды

Орусиянын Петербург шаарындагы көчөлөрдүн биринен 29 жаштагы кызды төрт эркек киши травматикалык тапанча менен коркутуп, сумкасын тартып алган. Бул тууралуу орус басылмалары жазышат.

Маалыматка ылайык, кол салгандар Кыргыз жарандары болгон. Тоноого кабылган кыз жергиликтүү маалымат каражаттарынын бирине окуя тууралуу айтып берген.

“Мен жасалга сатып алуу үчүн келгем. Сумкамда көп суммадагы акча бар болчу. Күтүүсүздөн мага төрт киши жүгүрүп келишип, курал менен коркутуп сумкамды тартып алууга аракет кылышты. Алгач баш берген жокмун. Анткени мен өзүмдү эмес сумкадагы акча тууралуу ойлоно бердим. Бул каражат меники эмес болчу. Андан кийин алар травматикалык тапанча менен бутума атты. Бирок баарыбир сумканы коё берген жокмун. Каракчылардын бири башыма куралды такаганда гана колумду коё бергенге мажбур болдум. Алар качып кетип баратканда автоунаасынын номурун жаттап калганга жетиштим”, - деген жабырлануучу.

Окуянын видеосу көзөмөлдөөчү камерага жазылып калгандыктан, социалдык тармактарга тарап кеткен. Колдонуучулар каракчылардан коркпогон кызды “Эр жүрөк Наташа” деп атап баштаган.

Көп өтпөй тоноого шектелгендер колго түшүрүлгөн. Орусиялык укук коргоо органдарынын маалыматына ылайык, сумкада 230 миң рубль, мобилдик телефон жана документтер болгон. Бул факт боюнча кылмыш иши ачылып, тергөө иши башталды.

"Кармалгандар 24 жаштан 34 жашка чейинки эч жерде иштебеген Орто Азиядан келген жарандар. Алардын экөө Орусиянын аймагында эч кандай каттоого турбай мыйзамсыз жүрүшкөн”, - деп айтылат маалыматта.

Ал эми Кыргыз өлкөсүнүн Орусиядагы Элчилиги мындай окуя болгонун тастыктап, төмөндөгүдөй маалымат берди.

"Ал балдар Кыргыз өлкөсүнүн жарандары экендиги такталды. Азыр тергөө амалдары жүрүп жатат. Санкт-Петербург шаарындагы Элчиликтин кеңсеси жана консулдук иштеп жатат. Иш көзөмөлгө алынган", - дешти элчиликтен.

Орусияда төрт Кыргыз жараны бир кызды тоношкон

Автор: Бактыгүл Султаналиева

21:24 07-02-2020

Жазылуу

РУБРИКАДАГЫ СОҢКУ КАБАРЛАР

14:02 2025-06-09 | Маданият, шоу-бизнес

6 тасма көрсөтүлөт. III Бишкек эл аралык кинофестивалынын программасы 7 0

13:54 2025-06-09 | Коом жана турмуш

Экономика министрлигинин кызматкерлерине унаалар берилди 83 0

13:51 2025-06-09 | СОТТУК ИШТЕР

"Унаа" мекемесинин мурдагы директору үй камагына чыгарылды 57 0

13:44 2025-06-09 | Коом жана турмуш

"Бул жакта жашоо жеңил эмес, бирок ийгиликке жеткен мекендештер да бар" дейт Америкада жашаган Нурадил (маек) 3586 0

12:47 2025-06-09 | Коом жана турмуш

Автобустун жолун тороп, жылбай койгон унаанын айдоочусуна айып салынды (видео) 524 0

12:13 2025-06-09 | Коом жана турмуш

Малдын ич эти көчөгө ташталганы тартылган видео тароодо (видео) 582 0

Архив

Комментарийлер (13)

futboler

2020-02-07 21:48:30

Эшектер десе, үйдө баатыр жоодо жок, күчүңөр ашып ташып жатса чек ара барып жашагыла.

+13

balykchy2012

2020-02-07 22:06:07

Эхх өкүнүчтүү. Аллах туура жол бер өз пенделерине.бөдө кырсыктан сакта кыргыз элими.

gitaris93

2020-02-07 22:07:06

Ошол жакта эле өлтүрүп таштаса экен силерди
Жеңилдик берип жатса кылганын кара бул жетимдердин Эми силерди деп рейд боло берет экен да

+10

chake

2020-02-07 22:17:02

бул акмактар россияда иштеп жүргөн 1.5 млн мигранттарывызга кедергисин тийгизбесе эле эми

Aroiz

2020-02-07 22:23:29

Дагы рейд башталат экен да эми ар бир станцидан метролордон автобустардан текшерүү күчөп,ушундайлар уят кылат бизди

Nurik1988

2020-02-07 22:33:55

Баяагы Эле Кыргыз паспортту сатып алган узбектергоо

tynara81

2020-02-08 08:52:23

Nurik1988,Кыпкыргыз экен. Россиянын сайттары көздөрүн бекитпей эле чыгарып койгон.

bond02

2020-02-07 22:42:57

Бутундой кыргыз элин уят кылдынар го э айбандар, кыргыздын тарбиясын алдынар беле? Кайсы атанар кызга кол которчу эле, болгондо да данкайган тортоон. Жалгыз бироон болгондо олтурчу экен кыз.

Umnitsa

2020-02-07 22:47:36

Жаман иш болуптур. Бирок мени кубандырган нерсе элчиликтин кабары бар экен. Дайым эле бирнерсе болсо маалымат такталып жатат деп коюшат го

Aituwas

2020-02-08 01:45:13

Менимче кыргыздар эмес...Кырг.паспортун алган озубек же таджик....

-1

ninja82

2020-02-08 07:26:28

озбек да эмес,тажик да эмес, кыпкыргыз эле булар. ой тообаа,кучко толуп турган маалынар экен,качыратып кара жумуш кылсанар ташты талкан кылчу. женил,арам тамак аш болбойт,эми азабын тартасынар.

guard

2020-02-08 19:05:59

Ото уят, акмактар турбайбы, беттери жоктор, анан да тортоо биригип чабыр чоолор коёнго кол салгандай эле болуптур, мен уялып атам бул жакта...

futboler

2020-02-08 19:10:04

Жылаңачтап столбага зым менен байлап салса силерге окшогон айбандарды, башкаларга да сабак болот эле.

Комментарий калтыруу үчүн өз ысымыңыз менен кириңиз же каттоодон өтүңүз.