ИИМ Садыр Жапаровдун бир тууганы эл аралык издөөгө берилгенин билдирди

Саясатчы Садыр Жапаровдун бир тууганы Райкүл Жапарова эл аралык издөөгө берилген. Бул тууралуу Бишкек ШИИББинин басма сөз кызматынын билдиришти.

"2010-жылы 13-апрелде Башкы прокуратурага Б.Б. аттуу жаран жана башка жарандар Инвестбанк "Ысык-Көл" ААКсын экс-президент Курманбек Бакиевдин уулу Максим Бакиев башында турган бир нече адамдар тобу рейдерлик менен басып алганын айтып арыз менен кайрылышкан. Кылмыш-жаза кодексинин (эски кодекс боюнча) 183-беренеси (легалдаштыруу, арам акчаны адалдоо) менен иш козголуп, анда Максим Бакиев достору Алексей Ким, Михаил Надель (учурда эл аралык издөөдө) жана башкалардын жардамы менен Инвестбанк "Ысык-Көл" банкынын акциясынын ээлеринин бири Н.Т. аттуу жаранга кысым көрсөтүп, 2007-жылы 30-майда банктын акциясын сатууга мажбурлашканы аныкталган. Андан кийин Бакиев банктын мурунку кызматкери Райкүл Жапарованын жардамы менен банкты басып алган. 2007-жылы 10-августта директорлордун жаңы кеңеши дайындалып, Инвестбанктын башкаруусунун жетекчиси Райкүл Жапарова болгон.

Иликтөө жыйынтыкталган соң аталган кылмыш иши Бишкек шаарынын Октябрь райондук сотуна жөнөтүлгөн. 2014-жылы 22-октябрда райондук сот тарабынан Жапарова 30, 183-беренелер (кылмышка шериктеш, легалдаштыруу, арам акчаны адалдоо) менен 7 жылга кесилген. 2015-жылы 3-апрелде Бишкек шаардык сотунун өкүмү менен 221-берене (коммерциялык жана башка уюм кызматкерлеринин кызматтык абалынан кыянаттык менен колдонуу), 166-берене (алдамчылык) боюнча жаңы айыптар тагылган. Жалпы жонунан Жапарова 10 жылга эркинен ажыратылып, үй-мүлкү конфискацияланып, 3 жыл бою банк жаатында ишмердүүлүк жүргүзбөө чечими чыккан.

1966-жылы туулган Жапарова учурда эл аралык издөөгө берилген. Анын кайда экендигин аныктоо боюнча иликтөө иштери жүргүзүлүүдө", - деп жазылат маалыматта.

Автор: Гүлжамал Абылкасымова

09:19 12-02-2020

Жазылуу

РУБРИКАДАГЫ СОҢКУ КАБАРЛАР

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 359 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 925 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 458 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 455 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 725 0

14:31 2025-06-08 | Түркүн дүйнө

Футбол жылдызы Неймар коронавируска чалдыкты 480 0

Архив

Комментарийлер (11)

Alia82

2020-02-12 09:29:43

Анан...

assanov97

2020-02-12 09:46:19

Макс кобун олтуруп мамлекетти тоноп кетти атасы ошонун айынан кетти

Alimbek1000

2020-02-12 10:06:17

Садыр Жапаров, Адахан Мадумаров деген Бакиевдин шакалдары кезинде болушунча көөп мамлекетти тоноп жерлерди сатып кыскасы жыргап жүрүштү.

-15

chake

2020-02-12 10:06:55

мамлекетти талап тоногондор ким экенине карабай жоопко тартылышы керек

-7

Ernestinio

2020-02-12 10:07:01

эми Садырдын тууганы экен деп жон эле койгонго болобу? конечно, издоо салыш керек, жоопко тартылсын

-3

Absamat-90

2020-02-12 10:09:33

Бийликте жүргөндөр баары эле байлыкты өзүнө эмес бир тууган жакындарына кататтат. Бакиевдин жардамчысы болуп иштеген, президент аппаратынын башчысы болгон Жапаров.

-3

Qwer007

2020-02-12 10:50:06

Жапаровду каралоонун эч нерсесин таппай акыры ушуну чукулап чыгышкан турбайбы

+19

keku00

2020-02-12 11:58:03

Акрам Мадумаров Жеништен хуже. Галстук менен мугалимди кемсинткен акмак чек араны кантип чечсин? Айбалаев келсе болбойт беле? Аны предлагать эткен окмот да, одобрять эткен ЖК да ага кол койгон Президент да эл душманы экенсинер баарын акмактар!

+13

Asyl10

2020-02-12 14:02:33

Акрам Мадумаров эптей албайт жана жарытылуу иш кылбайт. Чек ара маселелерине Курсан Асановдун гана эрки жетет, калгандары баары кун карамалар. Асановго жок жерден кылмыш иштерин козгой бербей чек арага койсо болмок. Иштей турган адамдарды куугунтуктап, иштебеген кок мээлерге кызмат берип келесоолук кылып, мамлекетти артка тартып бутушту. Тиги жакта талкуу жабык учун бул жакка жазууга туура келди. Туура тушунгуло.

tular

2020-02-12 19:47:10

Просто сөз жок экен азыркы өкмөт менен чимкириктерге...

Migrant-rf

2020-02-12 19:59:33

Дагы башталды концерт.

Комментарий калтыруу үчүн өз ысымыңыз менен кириңиз же каттоодон өтүңүз.