"Өспүрүмдү коркутуп, акчасы менен уюлдук телефонун тартып алган". Кылмышка шектүү кармалды

Өспүрүмдү коркутуп, уюлдук телефону менен 3000 сом акчасын уурдап алган деген шек менен кылмышка шектүү кармалды. Бул тууралуу Бишкек ШИИББинин басма сөз кызматынан билдиришти.

"13-январь күнү Т.А. аттуу жаран 28-декабрь күнү 2004-жылы туулган А.К. аттуу уулуна саат 21:00 чамасында Ак-Тилек жаңы конушунда белгисиз бирөө күч колдонуп, уюлдук телефону менен 3000 сомун тартып алганын билдирип, арыз менен кайрылган. Аталган факты Кылмыштардын жана жоруктардын бирдиктүү реестрине 201-берене (уурулук) боюнча катталып, сотко чейинки өндүрүшкө алынган.

Иликтөөнүн жыйынтыгында уурулукка шектелип, 1994-жылы туулган Б.Д. кармалган. Учурда ал Бишкек ШИИББинин СИЗОсуна киргизилген. Кылмышка шектүүнүн башка да кылмыштарга тийиштиги бар же жогу аныкталууда", - деп жазылат маалыматта.

Автор: Гүлжамал Абылкасымова