Ат-Башыга соода-логистикалык борборду куруу боюнча долбоору жабылды

“Ат-Башы Кыргыз-Кытай эркин соода аймагы” компаниясы соода-логистикалык борборду куруу боюнча долбоорду жапты. Бул тууралуу өкмөттүн басма сөз кызматынан билдиришет.

Ага ылайык, 200 гектар жерди 49 жылга ижарага берүү келишими жокко чыгарылганы маалым болду.

Маалыматта инвесторлор буга чейин жердин ижара акысына төлөнгөн 43 миллион сомдон ашык каражатты кайтарып берүүнү суранганы айтылат.

Мындан тышкары логистикалык борборду куруучу “Ат-Башы Кыргыз-Кытай эркин соода аймагы” компаниясы расмий билдирүүсүн таратты.

“Логистикалык борбордун курулушуна 280 миллион доллар сарптоону пландаганбыз. Бул каражат компаниянын жеке ресурстарынын эсебинен бөлүнүп жаткан. Өлкө бийлиги менен сүйлөшүү учурунда биз объекттин курулуш планы бузулган шартта “Нарын” ЭЭА бир жактуу түрдө келишимди жокко чыгаруу укугуна ээ болсун деген шартка макул болгонбуз. Инвестициялар боюнча Кыргыз өкмөтү бизге эч кандай кепилдик берген эмес жана бардык тобокелдиктерди компания өз мойнуна алган. Логистикалык борбордун курулушунда жана ал иштеп баштаганда 15 миңден кем эмес жумушчу иштемек. Ал эми бюджетке 8 жылда бир нече миллиард сом түшмөк. Тилекке каршы, Ат-Башы районунун жашоочулары арасында долбоорго карата терс мамиле түзүлүп, каршылык акциялары өткөрүлдү. Жергиликтүү элдин бир бөлүгү курулушка каршы чыгып жатканда, биз узак мөөнөттүү долбоордун үстүндө иштөөгө мүмкүн эмес деп эсептейбиз жана аны жабуу чечимин кабыл алууга мажбурбуз”, - деп жазылат билдирүүдө.

8-февралда премьер-министр Мухаммедкалый Абылгазиев Нарын облусундагы өкмөттүн ыйгарым укуктуу өкүлчүлүгүнүн коллегиясында Ат-Башы районунда логистикалык борбордун курулушуна кытай инвестору 280 миллион долларын салууга даяр экендигин, анда 15 миң адам туруктуу иш таба аларын билдирген.

11:07 18-02-2020

Ат-Башыга соода-логистикалык борборду куруу боюнча долбоору жабылды

Автор: Бактыгүл Султаналиева

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 273 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 696 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 246 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 613 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 360 0

18:40 2024-04-23 | Түркүн дүйнө

Быйыл Орусияда "Өчпөс полк" жүрүшү өтпөй турган болду 844 0

Архив

Комментарийлер (12)

chake

2020-02-18 11:16:28

Малды багып россияга барып көчөнү шыпырып жүрө бергиле

-5

Makain

2020-02-18 13:31:25

chake,Ат-Башылык акаларым укаларым Азамат экен өз сөзүнөн кайтпайт экен акаларым бар болгула тынч болгула. Ат-Башы москвага барып жер шыпырбайт ака

Alimbek1000

2020-02-18 11:18:00

Элдин үнүн президентке жетти! Ат-башылыктардын нараазычылыгын күчөтүп бийликке каршы тукуртуу ниети барлардын тилеги ишке ашпай калды. Алар эми Ат-Башылыктарды карап да койбойт. Каерде чыр болсо ошол жерге барып провокация кылуунун уюштургандар жооп берер күнүңөр бар! Ат-Башылыктар баракелде аларды ээрчибей коюшту!!!

-1

knk

2020-02-18 11:24:40

Жумуш орундары жок дейбиз. Башкалар менен сүйлөшүп, жумуш орундарын түзөлү десе каршы болобуз. Деги бизге эмне жагат.Биз кантип өнүгөбүз.

-5

Chungyz

2020-02-18 11:33:36

озубуз курушубуз керек бирого жалдырабай

Ernestinio

2020-02-18 11:37:18

каап

-5

Absamat-90

2020-02-18 11:38:30

Жакшы иш кылбады ушул провокаторлор, элдин убалына калмай болду.

-3

Jaznura

2020-02-18 11:57:59

Митингге чыккандар 41 миллион сомду төлөгүлө.

-9

Kyrgyz_bloger

2020-02-18 13:19:16

Jaznura,Аны тиги шефтерине айт да,мнеге чечиле элек ишке акча алып коет,жеп койгон болуш керек аны дагы.

Asula

2020-02-18 19:13:35

Kyrgyz_bloger,ооба туура атбашы жер учун келечек муун учун патриот болуп чырылдап атат.

-1

XAN-TORO

2020-02-18 12:05:06

Жумуш жок деп россиялап тентип журо берели. 100 адам иштесе да талаалабай ата энеси бала чакасынын бешенесинде жыргап отурмак да. Карапайым элди адаштырган провокаторлор онбосун

-7

talas0707

2020-02-18 13:49:05

Жапканы жакшы. Башка инвестор карасын европа тараптан кытайдан башка. Анан бул жерде ачылганга макул болгондор, силер учун кыргыз жери баарибир болсо, биз учун керек, келечек учун керек.

Комментарий калтыруу үчүн өз ысымыңыз менен кириңиз же каттоодон өтүңүз.