Садыр Жапаровду колдоо боюнча элдик штабдан тыңшоочу аппарат табылды (фото)

17-февралда Бишкек шаарында саясатчы Садыр Жапаровду колдоо боюнча элдик штабдан жашыруун угуучу аппарат табылган. Бул тууралуу SUPER.KG порталына жарандык активист Мелис Аспеков билдирди.

Активисттин айтымында, угуучу аппаратты штабда иштеген балдар таап чыгышкан.

"Садыр Жапаровдун тарапташтары ал угуучу аппаратты табары менен укук коргоо органдарын чакырган. Биз бул иш боюнча тиешелүү органдарга арыз менен кайрылдык. Себеби мындай аппарат соттун чечими менен гана коюлушу керек. Мыйзамсыз болгон мындай иш аракеттер кимдир бирөөлөр тарабынан жасалган провокация болушу мүмкүн", - дейт Аспеков.

Ал эми ишти каттоого алган Биринчи Май райондук ички иштер башкармалыгы окуя тууралуу төмөндөгүдөй маалымат берди.

"17-февраль күнү саат 17:00дө Бишкек ШИИББинин 102 кызматына "Илбирс" имаратындагы кабинеттеринин биринен тыңшоочу аппарат табылганы тууралуу маалымат келип түшкөн.

Жерине барган Биринчи Май райондук ички иштер башкармалыгынын оперативдик тобу 3-кабаттагы кабинеттердин биринен тыңшоочу аппаратка окшогон буюмду табышкан. Буга байланыштуу Ж.Д. аттуу жаран аппаратты коюп кеткен белгисиздерге карата чара колдонуу боюнча арыз менен кайрылган. Аталган факты Кылмыштардын жана жоруктардын бирдиктүү реестрине катталып, тергөө амалдары жүргүзүлүүдө", - дешти басма сөз кызматынан.

Автор: Бактыгүл Султаналиева

19:42 18-02-2020

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1272 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2333 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2716 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1117 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 985 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1533 0

Архив

Комментарийлер (4)

Absamat-90

2020-02-18 20:13:35

Дал ошол жерге коюлганын кантип билдинер? Бул атайын жасалган окшойт штабдагылар тарабынан, болбосо аны орноткон эле адам билбесе байкоо мүмкүн эмес го.

-16

Jaznura

2020-02-18 20:17:57

Садыр Жапаровдун колдоочулары мамлекетте башаламандык уюштуруунун жолун таппай турат.

-17

Sakura715

2020-02-19 01:43:02

Кантип билди?Ошонусу кызык,же көзү ачык бакшылар м-н жүрүшөбү?

-8

al-abu-kinesz

2020-02-19 13:55:48

Ким билди, кантип билди, бакшы бекен дегендер кругозорунарды кенейткиле. Ал жерде оз ишин мыкты билген профессионалдар, ар кадамын эсептеп баскан, Садыр Жапаровдун коопсуздугун коздун карегиндей коргогон адамдар иштейт да. Азыркы бийлик кайсы жол менен кандай кадамга барышын изилдеген эксперттер отурат. Азыр кабинет мындай турсун башка жерлерде да болушу толук мумкун

Комментарий калтыруу үчүн өз ысымыңыз менен кириңиз же каттоодон өтүңүз.