Күрөш боюнча Азия Чемпиондугу: Жоламан Шаршенбеков күмүш медалга ээ болду

Күрөш боюнча Индиянын Нью-Дели шаарында өтүп жаткан Азия Чемпиондугунда кыргыз балбаны Жоламан Шаршенбеков күмүш медалга ээ болду.

Жоламан Шаршенбеков бул чемпиондукка күрөштүн грек-рим түрү боюнча 60 килограмм салмак ченинде катышты. Кыргыз балбанынын финалдагы атаандашы учурдагы дүйнө чемпиону япониялык Кэнъитиро Фумита болду. Кызыктуу беттештин жыйынтыгында 0:4 эсеби менен япониялык балбан жеңишке жетти.

Жоламан Шаршенбеков Азия чемпиондугунда Кыргыз өлкөсүнүн атынан күмүш медаль алган экинчи балбан болду. Буга чейин күрөштүн грек-рим түрү боюнча Азат Салидинов 87 килограмм салмак ченинде күмүш медаль тагынган.

Автор: Азат Бейшенбеков