Чемпиондор Лигасынын 1/8 финалындагы оюндардын жыйынтыктары

Бүгүн, 20-февраль күнү Чемпиондор Лигасынын 1/8 финалынын оюндары болуп өттү.

Италиянын "Аталанта" клубу өз үйүндө "Валенсия" клубун кабыл алды. Беттеш 4:1 эсебинде үй ээлеринин жеңиши менен аяктады. Бул эки команданын жооптук беттеши 11-март күнү саат 02:00дө (Бишкек убактысы боюнча) Испаниянын Валенсия шаарындагы "Месталья" стадионунда өтөт.

"Аталанта" - "Валенсия" 4:1;

Голдор: Ханс Хаттебур (16, 62-мүнөттө), Йосип Иличич (42-мүнөттө), Ремо Фройлер (57-мүнөттө), Денис Черышев (56-мүнөттө).

Англиянын "Тоттенхем" командасы өз үйүндө "Лейпциг" командасын кабыл алды. Кызыктуу беттештин жүрүшүндө "Тоттенхэм" командасы 0:1 эсебинде жеңилип калды. Жалгыз голду командасына германиялык чабуулчу Тимо Вернер алып келди. Бул эки команданын жооптук беттеши 11-март күнү саат 02:00дө (Бишкек убактысы боюнча) Лейпциг шаарындагы "Ред Булл Арена" стадионунда өтөт.

"Тоттенхэм" - "Лейпциг" 0:1;

Голдор: Тимо Вернер (58-мүнөттө).

Автор: Азат Бейшенбеков