Алайда 17 жаштагы кызды зордуктаганга шектелгендер 2 айга камакка алынды

Ош облусунун Алай районунда 17 жаштагы кызды зордуктоого шектелип, айылдаштары кармалган. Шектүүлөр 2 айга камакка алынганын Ош ОИИБинин маалымат катчысы билдирди.

"Кармалгандар Алай райондук соту тарабынан 17-февралда 2 айга камакка алынды" деди маалымат катчы.

13-февралда Алай районунун тургуну 17 жаштагы кызынын зордукталганы боюнча милицияга арыз менен кайрылган. Шектүүлөрдүн бири кызды 9-февралда зордуктаса, экинчиси 12-февралда зордуктаганы маалымдалган. Бул ишке катыштыгы бар адамдар кармалып, убактылуу кармоочу жайга киргизилген.

Жабырлануучу кыз психикалык жактан ооруй турганын милициядан кошумчалашкан.

Автор: Бактыгүл Момбекова