Жабырлануучу: "Биринчи Май РИИБинин кызматкерлери издөөгө кеткен чыгымдарды төлөп берсең шектүүнү кармап келебиз деп жатышат"

Москвадан Бишкекке келип, акчасын уурдатып жиберген Дөөлөтбек Касымбек уулу SUPER.KG порталына кайрылды. Ал "арызымды жазып, жада калса шектүүнүн сүрөтүн, дарегин таап берсем дагы милиция кызматкерлери реакция кылбай жатышат" дейт.

"Мен 14-январга караган түнү Бишкекке Москвадан унаа алып, айдап келдим. Жолдон жалгыз келбейин деп 3 жүргүнчү сала келгем. Алардын бири "мени тоноп кетишти, акчам жок. Бишкектен берейин, апам Түркиядан акча салат" деп айтты. Макул болуп салып алдым. Бишкекке 14-январь күнү саат түнкү 4тө келдик. Чарчап калгандыктан жол киреси жок келген бала экөөбүз таң атканча деп унаада уктамак болдук. Муздак шамал келип жаткандан тура калсам унаанын эшиги ачык экен. Жанымдагы бала жок. Анан эле баштыгымдагы 15 миң рубль жана 5 миң 500 теңге жана 3 миң сом акчам жок. Акчамды алыптыр дагы унаанын эшигин жаппай качыптыр. Мен ошол замат Биринчи Май РИИБине барып арыз жаздым. Арызды милиция кызматкерлери алды дагы мага карап, кагаз жокпу деп сурашты. Кагаз дегени көрсө акча экен. Мен аларга өзүм тонолуп келе жатсам кайдагы акча дедим.

Кийин телефон аркылуу опер кызматкерлерине шектүүнүн сүрөтүн, дарегин таап бердим. Ал болжолдуу Жалал-Абад шаарында болчу. Бирок алар жалпы чыгымды төлөп берсең, шектүүнү кармап келебиз деп айтышты. Муну кандай түшүнсө болот, бул силердин ишиңер десем билгениңди кыл дешти. Менин кайрылганымдын себеби дагы ушул кызматкерлердин мага болгон мамилеси. Себеби эч бир жерден шектүүнү кармап келиш үчүн жабырлануучудан акча сураган учурду кездештирген же уккан эмесмин. Мен аябай таң калдым. Алардын ордуна өзүм ал баланы издеп, аларга сүрөттөрүн жөнөтүп жүрөм, алар болсо издөө дагы салып коюшкан жок. Мындан улам массалык маалымат каражаттарына алардын ушул кылыгын айтайын деп кайрылдым.

Менин акчамды уурдады деген баланы Москвадагы туугандарыбыз аркылуу издештирсек, ал Москвада дагы акча уурдап жүрүптүр. Бишкектен ал балага карата арыз жазганымды уккан Москвадагы мекендештерибиз аны карматсаң, биз дагы арыз жазабыз деп жатышат", - деди ал.

Биринчи Май РИИБинин басма сөз кызматына кайрылганыбызда, алар жогорудагы жарандан арыз келип түшкөнүн тастыкташты.

"Бул арыз келип түшкөн. Кылмыштардын жана жоруктардын бирдиктүү реестрине "уурдоо" беренеси менен катталган. Учурда сотко чейинки териштирүү жүрүп жатат", - деп билдирет басма сөз кызматынан.

Автор: Айсалкын Качкынбекова

13:52 24-02-2020

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1272 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2333 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2716 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1117 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 985 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1533 0

Архив

Комментарийлер (9)

chake

2020-02-24 13:59:02

мындай көрүнүштөрдү сразу ушундай социалдык желеге илсеңер коррупция менен күрөшүүдө сен дагы жардам берген болосуң

Jaznura

2020-02-24 14:04:34

Коррупцияга каршы чогуу күрөшүшүбүз керек.

Shabi

2020-02-24 17:07:47

Jaznura,мен 9000сомго алган телефонумду кафеден уурдатып,кантип уурдап кеткенинен бери видео байкоого тушуп калган экен.ошону видеону кошо алып баргам милицияларга,бирок9000дик телефону издешпейт экени10000минден ойдо болсо издейт экен.кимдир бироого кызык болсо ал видео даагы деле бар менде,коргозо алам

Bakyt.shutov

2020-02-24 14:17:08

мен дагы 10мин сом акчамды машинамдан уурдатырганмын .Арыз менен кайрылсам ушуга дагы жазасынбы озун машинаны култабай коюпсун сен кайра мени куноолоп койгон.10мин сом алар учун акча эмес болсо кээ бир адам учун 10мин сом чоон акча.

Islambek123

2020-02-24 14:17:16

Менин милициям менден акча сурайт

Asman779

2020-02-24 14:22:07

Мындай учурда аты жонун кайсы жерде иштейт ж.б данныйларынан бери айтсанар коррупцияга каршы жакшы жардам болот

Kyrgyz_bloger

2020-02-24 14:26:47

Азыр милициялардан толк жок,менин телефонумду мурда бирге иштеген бир бала уурдаган,милицияга баланын суротун,бердим,адресин айттым,тел.каропка документин бердим,такыр желаниясы жок го,бир нерсе умут кылгандай,анан интернеттен видео коруп,гугл аккаунт аркылуу озум таап алдым,досумду тоноп кетти,тел.акча документ,даже кыйратып издешкен дагы жок,ошондон кийин ойлодум озубузго сак болуп милицияга ишенбеш керек.

baybolot

2020-02-24 15:03:02

Азыркы заманда озундон башкага эч ишенбеш керек олдум талдым жардам деп жакшылык кылсан кайра озунду куноолгон адамдарды башыман откозуп жатам мен да

Saidochka

2020-02-24 17:56:45

Квартирант болуп үйүмдө жашаган кыз буюмдарымды алып, комуслугаларды төлөбөй качып кеткенде арыз жазсам, бензин куйсан издейбиз деген УВД дан.. БЕТ ДЕГЕН КАЛГАН ЭМЕС!

Комментарий калтыруу үчүн өз ысымыңыз менен кириңиз же каттоодон өтүңүз.