Жогорку Сот Азимжан Аскаровдун ишин карайт, журналисттер сот залына киргизилбейт

2010-жылы өлкөнүн түштүгүндөгү кандуу окуяга тиешеси бар делинип өмүр бою эркинен ажыратылган укук коргоочу Азимжан Аскаровдун иши Жогорку Сотто каралуу алдында турат. Учурда аталган мекемеге укук коргоочулар, журналисттер, Аскаровдун жакындары, эл аралык уюмдардын өкүлдөрү келишти. Жогорку Соттун кызматкерлери алдын ала түзүлгөн тизменин негизинде имаратка киргизүүдө. Бирок көпчүлүк ачык сотто мындай болбошу керек деп нааразы. Алдын ала түзүлгөн тизме менен киргизилген журналисттер деле отурум өткөн залга киргизилбей турганы белгилүү болду. Алар залга коюлган чакан экран аркылуу отурумду чагылдырышат.

Буга чейин Аскаров “Базар-Коргондо 2010-жылдагы массалык баш аламандыкты уюштурган” деген беренелер менен айыпталып, өмүрүнүн аягына чейин эркинен ажыратылган.

2019-жылдын 30-июлунда Чүй облустук сотунда жаңы ачылган жагдайлар боюнча укук коргоочу Азимжан Аскаровдун кылмыш ишин кайра карап, мурунку өкүмдү күчүндө калтырган.

2016-жылы 31-мартта БУУнун Адам укуктары боюнча комитети Азимжан Аскаровдун ар-намысын басмырлаган мамилени, укуктук коргоонун жана калыс, адилет соттук териштирүүлөрдүн болбогондугун, ырайымсыз, адамгерчиликсиз, катаал кыйноолор колдонулгандыгы боюнча фактыны тастыктаган. Аталган комитет кыргыз бийлигин укук коргоочу Азимжан Аскаровду абактан токтоосуз бошотууга чакырган.

Кылмыш ишин караган Чүй облустук соту БУУнун Адам укуктары боюнча комитетинин чечимине байланыштуу 2017-жылдын 24-январындагы өкүмү менен Жалал-Абад облусунун Базар-Коргон райондук сотунун 2016-жылдын 15-сентябрындагы өкүмүнүн айыптоо беренелеринин бирин жарым-жартылай өзгөртүү менен күчүндө калтырган.

Аскаров 2010-жылдагы июнь окуясында баш аламандык уюштурган делинип, өмүр бою эркинен ажыратылган. Ал бул күнөөнү моюнуна албай келет.

Азимжан Аскаровдун аялы: "Соттордун жүзүн карап алып жакшы чечимден үмүт кыла берем"

Автор: Кызжибек Раимова
Фото: Кызжибек Раимова

14:35 25-02-2020

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1272 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2333 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2716 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1117 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 985 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1533 0

Архив

Комментарийлер (4)

Jaznura

2020-02-25 14:42:41

Ушул киши өлтүргүч мыкаачыны ким коргойт эмнеге коргойт түшүнбөйм.

kanayym.92

2020-02-25 14:48:36

НПОлордун максаты ушундай жанкечтилерди коргоо болсо анда аларга биздин олкодо орун жок. Какшап журуп, БУУга чыгарып журуп сотто каратып жатат. Аскаров эн оор адам олтуруу башаламандык, улуттар аралык кастык козутканы учун айыпталып жатат.

talaa11

2020-02-25 14:52:54

Ушундан коро С.Жапаровдун ишин карабайсынарбы акмактар каяктагы бир канкорду актагандын ордуна

aerforce

2020-02-25 15:16:57

Атып эле салбайсынарбы ушунун айынан канчалаган эл кырылды

Комментарий калтыруу үчүн өз ысымыңыз менен кириңиз же каттоодон өтүңүз.

Жогорку Сот Азимжан Аскаровдун ишин карайт, журналисттер сот залына киргизилбейт

Азимжан Аскаровдун аялы: &quot;Соттордун жүзүн карап алып жакшы чечимден үмүт кыла берем&quot;

РУБРИКАДАГЫ СОҢКУ КАБАРЛАР

Азимжан Аскаровдун аялы: "Соттордун жүзүн карап алып жакшы чечимден үмүт кыла берем"