АФК Кубогу-2020: "Нефтчи" командасы 3:0 эсебинде конокто жеңилип, АФК Кубогунан четтеп калды (хронология)

Ышкырык жаңырды. "Нефтчи" командасы 3:0 эсебинде конокто жеңилип калды.

Негизги убакыт аягына чыгып, калыс кошумча 1 мүнөт убакыт кошуп берди.

Гол! "Худжанд" командасынын оюнчусу Дилшод Бозоров дарбазага топту таамай багыттап, эсеп санын 3:0гө айлантты.

"Нефтчи" командасынын оюнчусу Олександр Игнатенко оюн эрежесин бузуп, сары айып кагазына ээ болду.

"Нефтчи" командасы ылдам каршы чабуул уюштурууда.

"Нефтчи" командасында алмашуу, Кайрат Изаковдун ордуна Умудилло Иминов оюн талаасына кошулду.

Гол! "Худжанд" командасынын оюнчусу Дилшод Бозоров башы менен топту дарбазага таамай багыттап, эсеп санын 2:0гө айлантты.

Калыс ышкырыгын жаңыртып, экинчи 15 мүнөттүк башталды.

Биринчи 15 мүнөттүк соңуна чыкты. Командалар кыска мүнөттүк эс алууда.

Эки команда тең топко бирдей ээлик кылууда.

"Нефтчи" командасында алмашуу Арген Жуматаевдин ордуна Аброр Кыдыралиев оюн талаасына чыкты.

"Нефтчи" командасы бурчтан чыгарып берүү мүмкүнчүлүгүн алды. 

Биринчи 15 мүнөттүк. Калыс ышкырыгын жаңыртты. Топту "Худжанд" командасы оюнга кошту.

Убакыт аягына чыкты. Эки оюндун жыйынтыгы менен командалар 1:1 эсебинде тең болуп, дагы кошумча 15 мүнөттүк 2 бөлүк болот.

Негизги убакыт аягына чыгып, калыс беттешке төрт мүнөт кошумча убакыт кошуп берди.

"Худжанд" командасынын оюнчусу алыскы аралыктан сокку узатты, топ өйдө кетти.

"Нефтчи" командасынын оюнчусу Азамат Омуралиевге каршы оюн эрежеси бузулду.

"Худжанд" командасы "Нефтчи" командасынын талаа бөлүгүндө топту көбүрөөк кармоодо.

"Нефтчи" командасынын оюнчусу Кайрат Изаков жаракат алып, дарыгерлердин жардамына муктаж.

"Худжанд" командасы топко көбүрөөк ээлик кылууда.

Эки команда тең катары менен ылдам каршы чабуул уюштурууда.

"Худжанд" командасынын оюнчусуна каршы Амридин Шарифи оюн эрежесин бузду.

"Нефтчи" командасынын сол канаттан уюштурулган ылдам каршы чабуулуна  "Худжанд"  командасынын дарбазачысы биринчи болуп жетти.

Калыс ышкырыгын жаңыртты, топту "Нефтчи" командасы оюнга кошту.

Командалар оюн талаасына чыгууда.

"Худжанд" командасы гол киргизгенден кийин активдүү болуп, арты-артынан чабуулдарды уюштурууда.

Эсеп 1:0 "Худжанд" командасынын пайдасында.

"Худжанд" командасынын бурчтан чыгарып берүүсүнө "Нефтчи" командасынын оюнчулары биринчи болуп жетти.

"Худжанд" командасынын дагы бир бурчтан чыгарып берүүсүн чабуулчу Дилшод Бозоров голго айланта алды.

"Нефтчи" командасынын чабуулчусу Эльдар Молдожунусов дарбазачы менен дээрлик жекеме-жеке чыгып ийгиликтүү боло алган жок.

"Нефтчи" командасынын коргоочусу Азамат Абдуллаев дарыгерлерден кеңеш алып кайра оюнга кошулду.

Топ талаанын ортонку бөлүгүндө көбүрөөк кармалууда.

"Худжанд" командасынын көтөрүлгөн тобуна Михаил Паюш биринчи болуп жетти.

"Худжанд" командасынын оң канаттан уюштурулган чабуулу кооптуу болуп, дарбазачы Михаил Паюш активдүү болду.

"Нефтчи" командасынын оң канаттан уюштурулган чабуулун каршылаштардын коргоочусу токтотту.

"Худжанд" командасы көбүрөөк топко ээлик кылууда.

"Худжанд" командасынын оюнчусу Абдулмумин Забиров оюн эрежесин бузгандыгына байланыштуу сары айып кагазына ээ болду.

"Худжанд" командасы дароо эле чабуулга чыгып, бурчтан чыгарып берүүгө ээ болду.

"Нефтчи" командасы ак ал эми "Худжанд" командасы кызыл түстө ойнойт.

Командалар оюн талаасына чыгууда.