Sports Awards-2019: Мыкты спортчулар жана спорт ишмерлери сыйланды

Сыйлоо аземи концерттик программа менен коштолуп, ырчылар чыгармаларын тартуулашты.

"Мыкты меценат" сыйлыгы Бажы кызматынын төрагасынын мурдагы орун басары Райымбек Матраимовго тапшырылды.

2018-жылы көк бөрү учурунда кырсыктап, оор жаракатка кабылган жана өз алдынча баса албай калган Дастан Жакеевге “Атайын сыйлык” тапшырылды.

"Мыкты улакчы" сыйлыгы Манас Ниязовго тапшырылды.

Спортчуларды сыйлоо аземи кызыл килемден өтүү менен коштолду.

Сыйлыктын негиздөөчүсү Динара Орозбаева.

29-февралда VI Sports Awards-2019 жыл мыктыларын аныктоо салтанаты Бишкек шаарындагы Токтогул Сатылганов атындагы Кыргыз улуттук филармониясында болуп өттү. Бул тууралуу иш-чаранын уюштуруучуларынын маалыматында айтылат.

Сыйлоо кечесин сыйлыктын негиздөөчүсү Динара Орозбаева ачып, спортчуларга кыйынчылыктарга карабастан, кыргыз туусун бийик желбиретип келе жаткандыгы үчүн ыраазычылык билдирди. Ал өз сөзүндө спортко кайдыгер карабаган меценаттарга кайрылып, кыргыз спортчуларын ар тараптан колдоого чакырды.

Негизги номинациялардын алдында жыл ичинде өзгөчөлөнгөн 4 спортчу жана 1 уюмга “Спорттогу бийик жетишкендиктери жана талыкпас эмгеги үчүн” дипломдор тапшырылды. Алар: Азамат Эсеналиев, Айдай Орозбекова, Бакыт Кыдыков, Нурбек Оросулбаев жана Стекинг спорту федерациясы.

Интернет-добуш берүү жана эксперттик комиссиянын тандоосунун негизинде жыл мыктылары болуп төмөнкү спортчулар аныкталды:

Ден соолугунун мүмкүнчүлүгү чектелгендер арасында мыкты спортчу – Нурбек Алиев (кол күрөш);

Ден соолугунун мүмкүнчүлүгү чектелгендер арасында мыкты спортчу айым – Гүлзада Калыгул кызы (жеңил атлетика);

Улуттук спорт боюнча мыкты спортчу – Элдияр Сексенбаев (алыш күрөшү);

Олимпиадалык спорт боюнча мыкты спортчу – Улукбек Жолдошбеков (эркин күрөш);

Олимпиадалык эмес спорт боюнча мыкты спортчу – Авазбек Аманбеков (кикбоксинг);

Мыкты улакчы – Манас Ниязов (“Достук”);

Мыкты грэпплинг чебери – Абдурахман Муртазалиев (“Kyrgyzstan Top Team”);

Жыл жаңырыгы – Нурадин Рустамбек уулу (бокс);

Мыкты спортчу айым – Айсулуу Тыныбекова (кыз-келиндер күрөшү);

Мыкты команда – Кыргыз Республикасынын Волейбол боюнча курама командасы;

Уюштуруу комитетинин чечиминин негизинде: Мыкты машыктыруучу – Бообек Тотошев (кармашып мушташуу);

Мыкты федерациялар – Грэпплинг жана Кыргыз күрөш федерациялары;

Атайын сыйлык – Дастан Жакеев;

Мыкты меценат – Бажы кызматынын төрагасынын мурдагы орун басары Райымбек Матраимов.

Автор: Азат Бейшенбеков

11:24 02-03-2020

Жазылуу

РУБРИКАДАГЫ СОҢКУ КАБАРЛАР

23:56 2025-05-12 | Түркүн дүйнө

Индия Пакистандын кадамына көз салмай болду 561 0

23:35 2025-05-12 | Түркүн дүйнө

Билл Гейтс 20 жыл ичинде байлыгынын дээрлик бардыгын кайрымдуулукка берүүнү чечти 665 0

23:04 2025-05-12 | Түркүн дүйнө

Кытай орбитага спутниктердин тобун учурду 565 0

22:34 2025-05-12 | Түркүн дүйнө

Күрдистан жумушчу партиясы таркаганын жарыялады 776 0

22:05 2025-05-12 | Коом жана турмуш

Садыр Жапаровдун колунан батиринин ачкычын алган беш балалуу эне президентти алкады (видео) 1092 0

21:35 2025-05-12 | Түркүн дүйнө

Зеленский жаңы Рим папасын Украинага чакырды 742 0

Архив

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.