Маршруткадан кичинекей баласы бар жүргүнчү аялды түшүрүп салды деген айдоочу үн катты

Кечээ, 6-мартта социалдык тармактарда баласы жана коляска менен түшкөн жүргүнчү аялды түшүрүп салган маршрутканын айдоочусу талкууга түшкөн. Окуянын видеосун күбөлөр тартып алган жана алардын айтымында чыр колясканын айынан келип чыккан. Видео социалдык тармактарга тарап кеткенден кийин мэриядан аталган айдоочу 185-маршруттук линиянын айдоочусу болгонун жана ал иликтөө жүргүчө убактылуу жумуштан четтетилгенин билдиришкен.

SUPER.KG порталы экинчи тараптын дагы чындыгын угуу үчүн 185-маршрутканын айдоочусуна байланышты. Бирок ал аты-жөнү сыр бойдон калуу шарты менен маек берүүгө макул болду.

Айдоочунун айтымында, коляскасы менен түштү деген жүргүнчү аял жалгыз болгон эмес жана чыр такыр башка себептен улам келип чыккан.

"Окуя тууралуу айта кетсем, ал 5-мартта "Дордой" базарындагы мечиттин жанындагы аялдамада орун алган. Болжол менен кечки саат 17:00дө маршруткага эки-үч жүргүнчү түшкөн. Менин түшүнүгүм боюнча алар келини, кайненеси, болжол менен 15 жаштагы баласы жана бир кичинекей баласы менен чогуу түшкөн. Кайненеси кичинекей баланы алып орундукка отурган, ал эми келин туруп турган. Бир маалда салондо жүргүнчүлөр арасында кайым айтышуу башталды. Көрсө коляскасы менен турган келин тыгындан улам, башка бир жүргүнчүнүн көйнөгүн булгап алыптыр.

Алгач ошентип бири-бири менен урушуп башташты. Алардын айынан жүрө албай 10 мүнөттөн ашык туруп калдык. Артта турган унаалар сигнал берип, салондогу кардарлар арасында дагы нааразычылык жаралды. Билесиздер "Дордойдун" ал көчөсү тар. Тыгын пайда болуп, жүрбөй токтоп калганда баарынын шаштысы кете баштады. Анан мен киришүүгө мажбур болдум. Болбосо социалдык тармактарда айтып жатышкандай мен "бир коляска орун ээлеп жатат" деп балалуу келинди кантип эле түшүрүп салайын? Менин деле балдарым бар. Аягында айлам кеткенде "эшикке чыгып урушкула" деп түшүрүш керек болду. Чыр токтобой койгондо, жерге түшүп чечишип алгыла, бизди кармабай деп айткам. Баягы келин кайненеси, балдары менен жана берки көйнөгүн булгаткан жүргүнчү дагы түшүп калды окшойт. Мен андан ары жолумду улантып кетип калгам.

Негизи чыр кишинин көптүгүнөн эле пайда болду деп ойлойм. Ал эми бул видеону бирөө арттан тартып туруп такыр башкача өңүттө берип салыптыр. Анан эле мен күнөөлүү болуп калдым. Бул окуя боюнча мэрияга барып түшүндүрмө жазып келдим. Учурда жумуштан четтетилдим. Мындай окуяга туш болгонума жаман болуп жатам. Негизи колдонуучулар бирөөнү айыптап сын-пикир жазардан мурда чын-төгүнүн билип алышса жакшы болмок. Бүгүнкү күндө күнөөсүз адамды деле туура эмес маалымат менен күнөөлүү кылып коюш оңой экенин өзүмдүн мисалымдан көрдүм", - дейт айдоочу.

Автор: Бактыгүл Султаналиева

15:59 07-03-2020

Жазылуу

РУБРИКАДАГЫ СОҢКУ КАБАРЛАР

00:19 2025-06-24 | Түркүн дүйнө

Мирзиёевдин кызы президенттин администрациясын жетектемей болду 859 0

00:03 2025-06-24 | Түркүн дүйнө

The New York Times: Иран Катарга аба соккусу жөнүндө алдын ала эскерткен 1163 0

23:45 2025-06-23 | Коом жана турмуш

24-июнга карата аба ырайы 313 0

23:24 2025-06-23 | Түркүн дүйнө

Иран АКШнын Катардагы аскердик базасына чабуул жасады (видео) 1962 0

23:08 2025-06-23 | Түркүн дүйнө

НАТО АКШнын Иранга жасаган чабуулу эл аралык укукту бузбаганын билдирди 996 0

22:36 2025-06-23 | Түркүн дүйнө

Укол сайышкан. Франциядагы фестивалда көрүүчүлөргө кол салуу болду(видео) 1106 0

Архив

Комментарийлер (24)

al-abu-kinesz

2020-03-07 16:10:57

Мен эч кимге ишенбпй калгам. Куболор барбы жазгылачы не болгонун. Анан элдик сот кылабыз

-3

Samatalibei

2020-03-08 01:36:31

al-abu-kinesz, ,Кунөө эки тарапта бар! Маршутканын айдочуусу сүттөн ак эмес күнөөсү бар! Бүгүн киевскийден 185 маршутка менен Дордой базарына барганбыз. Айдочуу мага киши жок деп, киши талашып телефондо уят жаман сөздөр менен сөгүнүп келди жүргүнчүлөргө кыйкырат катуу айдайт тормузду катуу тебет 193.185.117чи маршутканын айдочулары көөп кетишти акчаны алгандан кийин артында 15.20жүргүнчү бар экенин унутуп баратышат! Жоопкерчилик деген такыр жок! Бизде мыйзам иштебейт Интернетке чыгарыш керек!

Aikaaaa

2020-03-08 08:18:56

Samatalibei, ээк анда жакпаса такси менен барбайсыңбы

-4

Samatalibei

2020-03-08 09:54:33

Aikaaaa, Кеп жакканда жакпаганда эмес! Айдочуу коомдук транспортту айдап баратканын унутпаш керек! Кишиси толбой калса ичиндеги 7.8 жүргүнчүдө эмне күнөө! Астындагы маршуттан өтөм деп бир канча жолу тобокелчилике барып катту айдап барып резка тормуз тебет. Ал каалагандай айдап уят сөздөр менен сөгүнгөнү туура эмес ал жерде улгайган апалар бар эле! 1сом тапсаң да ал сенин жумушуң Жоопкерчилик деген болуш керек! Унааны айдаганды билсең жетиштүү эмес коомдук транспортто атайын эрежелер бар!

Jelezo

2020-03-07 16:20:27

Интернет, смартфон күнөөлүү балее болду болор болбосту деле тартып чыгарып жатышат.

+12

zhenishmyrza

2020-03-08 14:40:00

Jelezo,туура эле чыгарды. Корушсун адамдын чыныгы жузун.

Mina24

2020-03-07 16:28:09

Маршурутка калеска менен тушкон озу туура эмес

+21

marat_1910

2020-03-07 20:18:40

Mina24,сенин балан барбы ? буктолгон коляска болсо эчкимге тоскоол болбойт, жеке унасы жок болсо кансин,калп эле чойрондоп кыйын болбой адамдарга тушуну менен кароо керек

toktor89

2020-03-07 22:55:29

marat_1910,досум баары сендей акылдуу эмес да

-2

Kudi

2020-03-07 17:59:48

ашыкча адам салбаш керекда

-5

aidinaernur

2020-03-07 18:08:47

Маршруткага коляска батпайт го
Автобус же траллейбус болсо бир жон
Мен коляска менен чыксам марш тушпойм
И так тыгын

Kyrgyz_bloger

2020-03-07 18:15:09

Белгисиз маршрут деген кинодогудай бири бири менен урушса деле айдап кете бериш керек эле да.

+14

Mina24

2020-03-07 18:17:41

Тыгылыш боло берет алар деле иштеп атат жон эле суйлойт десе эле суйлобош керек создун да чеги болот

Aikaaaa

2020-03-07 19:52:04

Ушу 10 сом менен шаардын аяк башында жүрөбүз, анан да тыкпа деп коёбуз. Ал айдоочу деле оокат кылыш керек да, анын да семьясы бар, анан тыкпайын деп 10-15 өөбүздү салып алып жүрө берсинби?
Коляска менен элге ыңгайсыздык жаратпай такси менен жүрсүн.

+20

kurstan_810502

2020-03-07 20:41:39

Тушушнуп комент жазгылачы

sirenaaaaa

2020-03-07 21:50:10

Маршрут айдап иштегендер айына линияга чыгуу учун 5500сом толошот. Ал 550кишинин акчасы. Анан пенсионерлер тушот 5сом берет. Озу 10-15орундук болсо, кунуго канча деген адамдар жумушка, дагы бироо ооруканага барат. Оздору тушуп алса эле болду, каяка батабыз тыгып саласынар деп суйлонушот. Кун суукта, жамгырда кочодо калсанар, ошолорду албай кетсе кандай болот экен.

+19

ulanbek2000

2020-03-07 22:31:38

Маршрутка жүк эмес Киши ташыйт. Ашыкча жүк алып чыккандар аман эле болгула

vikidiki

2020-03-08 12:21:03

Бир ажылдаган аял учун Бир Адамдын Уй булосу тамагы жок калды, он сом учун! Бир кундо канча Адамдын кыялына чыдап иштешет, озунор чыдабай жанынардагылар менен уруша кетесинер. Же мурдунарды чуйруйсунор ,"жуунуп албайбы сасыбай", " акырын суйлошпойбу", тиги бу ....деп. Бир шаг откоруп токтотосунар, Бир остановка баскандан эринип. Биздин каприздерге жакшы эле чыдашат байкуш айдоочулар. Анан ушинтесинер ызы чуу кылып.

sirenaaaaa

2020-03-08 15:28:46

vikidiki, анан уялбай айткан жеринен токтотпой койсо мен толоп жатам дегеничи

Aia1219

2020-03-08 14:16:45

Ак иштеп адал эмгек кылганга үйрөнөлүчү.

Комментарий калтыруу үчүн өз ысымыңыз менен кириңиз же каттоодон өтүңүз.