Грек-рим күрөшү боюнча Кыргыз улуттук курамасы Сочи шаарында окуу-машыгуу жыйынын өтүп жүрүшөт

Грек-рим күрөшү боюнча Кыргыз улуттук курамасы башкы машыктыруучу Азат Эркимбаевдин жетекчилиги астында Орусиянын Сочи шаарында окуу-машыгуу жыйынын өтүп жүрүшөт. Бул тууралуу SUPER.KG порталына Жаштар иштери, дене тарбия жана спорт боюнча мамлекеттик агенттигинен билдиришти.

Агенттиктин билдиришинче, бул окуу-машыгуу жыйыны алдыдагы эл аралык жана лицензиялык турнирлерге даярдык катары болмокчу. Окуу-машыгуу жыйыны 6-марттан 18-мартка чейин Сочи шаарындагы "Весна" спорттук базасында болот. Жыйынга 12 балбан жана 2 машыктыруучу кетишкен.

Окуу-машыгуу жыйынына кеткен балбандар:

60 килограмм салмакка чейин: Калы Сулайманов, Жоламан Шаршенбеков;

67 килограмм салмакка чейин: Марлен Асикеев, Амантур Исмаилов, Халмурат Ибрагимов;

77 килограмм салмакка чейин: Акжол Махмудов, Кайрат Түгөлбаев, Ренат Ильяз уулу;

87 килограмм салмакка чейин: Атабек Азисбеков;

97 килограмм салмакка чейин: Үзүр Жусупбеков;

130 килограмм салмакка чейин: Роман Ким, Мурат Рамонов;

Башкы машыктыруучу: Азат Эркимбаев;

Улук машыктыруучу: Улукбек Карачолоков.

Автор: Азат Бейшенбеков