Жөө жүргүнчүнү сүзүп, качып кеткен шектүү жаран кармалды

Бишкек шаарында жөө жүргүнчүнү сүзүп, окуя болгон жерден качып кеткен деген шек менен 55 жаштагы жаран кармалды. Бул тууралуу милициянын кайгуул кызматынын басма сөз кызматынан билдиришти.

"2020-жылдын 2-мартында болжол менен саат 11:30 чамасында белгисиз айдоочу Садырбаев көчөсү менен түштүк тарапка бара жатып, Семетей көчөсүнүн кесилишинен 2008-жылы туулган А.Б. аттуу жаранды сүзүп, кырсык болгон жерден кетип калган. Натыйжада жөө жүргүнчү жабыркап, №3 балдар ооруканасына кайрылган. Ыкчам издөө иш аракетинин натыйжасында 7-мартта Мазда үлгүсүндөгү автоунаанын айдоочусу 1965-жылы туулган Э.Т. кармалып, Бишкек ШИИББинин тергөө кызматына өткөрүлүп берилди. Бул факты Кылмыштардын жана жоруктардын бирдиктүү реестрине 155-берененин (Автомототранспорттук каражаттардын кыймылынын жана аларды пайдалануунун коопсуздук эрежелерин бузуу) негизинде катталып, сотко чейинки өндүрүшкө алынды", - деп жазылат маалыматта.

Автор: Гүлжамал Абылкасымова