Бүгүн Чемпиондор Лигасынын 1/8 финалындагы жооптук беттештер орун алат

Бүгүн, 10-мартта Европадагы беделдүү мелдештердин бири болгон Чемпиондор Лигасынын 1/8 финалындагы жооптук беттештери өтөт. Оюндар 11-мартка караган түнү Бишкек убактысы боюнча 02:00дө башталат.

Оюндардын тизмеси: "Лейпциг" (Германия) - "Тоттенхэм" (Англия), "Ред Булл Арена" стадиону (Лейпциг шаары, Германия). Башкы калыс: Карлос Дель Серро Гранде (Испания).

Бул эки команданын биринчи беттеши "Тоттенхэм Хотспур Стэдиум" стадионунда болуп, 0:1 эсебинде "Лейпциг" командасынын жеңиши менен аяктаган.

"Валенсия" (Испания) - "Аталанта" (Италия), "Месталья" стадиону (Валенсия шаары, Испания). Башкы калыс: Овидиу Хацеган (Румыния).

Бул эки команданын биринчи беттеши "Жузеппе Меацца" стадионунда болуп, 1:4 эсебинде "Аталанта" клубунун жеңиши менен аяктаган.

Автор: Азат Бейшенбеков