реклама
super.kg logo

"РЭСке бомба коюлду". Ошто каттоо кызматында иштеген башкы адис жалган маалымат таратты деп кармалды

 

Ош облусунун Кара-Суу райондук электрстанциясына бомба коюлган деген маалыматты тараткан жаран кармалды. Бул тууралуу УКМКнын басма сөз кызматынан кабарлашты.

"10-мартта Ош облустук башкармалыгынын нөөмөт бөлүмүнө Кара-Суу районундагы РЭСке бомба коюлган делген маалымат келип түшкөн. Айтылган дарекке ыкчам топ барып, райондук электрстанциянын кызматкерлери эвакуацияланып, аймак курчоого алынган. Мекемени текшерүүдө жарылуучу зат табылган эмес.

Ыкчам тергөө иш-чараларынын жүрүшүндө Ош облусунун Кара-Суу районунун 1969-жылы туулган Э.К. аттуу тургуну кармалды. Кармалган жаран мас абалында болгондуктан жалган чалуу жасагандыгы такталды. Ал Кара-Суу районуна караштуу Мамлекеттик каттоо кызматынын картография бөлүмүнүн башкы адиси экендиги аныкталды.

Бул факт 246-берене (террорчулук актысы боюнча жалган маалымат берүү) боюнча Кылмыштардын жана жоруктардын бирдиктүү реестрине катталды. Учурда тергөө жүрүп жатат", - деп билдиришти мекемеден.

УКМК эскертет, жалган маалыматтарды тараткандарга Кыргыз Республикасынын мыйзамдарына ылайык кылмыш жоопкерчилиги каралган.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
140721;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: