реклама
super.kg logo

Өзгөндө шахтадагы кырсыктан 40 жаштагы Украин жараны каза болуп, дагы бир адам жаракат алды. Алар чалгындоо иштерине чакырылган

 

Өзгөндүн Салам-Алик айыл аймагына караштуу Беш-Терек жайлоосунда жайгашкан “Сай-Аска” көмүр кенин казган ишканасында кырсык орун алып, Украинанын жараны каза болду. Дагы бир жаран жаракат алды. Маалыматты Ош ОИИБинин маалымат кызматынан кабарлашты.

Кырсык 10-мартта саат 04:00 чамасында “Сай-Аска” көмүр кенин казуучу ишканасына тиешелүү шахтанын ичинде орун алып, анда темирден жасалган тирегичтер кулап, топурак, таштын алдында Украинанын 1979-жылы туулган М.Е. жана 1976-жылы туулган Б.И. аттуу жарандары калган. Кырсыктын кесепетинен М.Е. окуя болгон жерден каза болгон, ал эми Б.И. бутунан жаракат алып, Өзгөн аймактык ооруканасынын сыныктар бөлүмүнө жаткырылды.

"Сай-Аска" көмүр кенин казуучу ишканасында Украинанын 21 жараны иштеп жаткан. Алар чалгындоо иштерине адис катары чакырылган.

Окуя болгон жерге ыкчам тергөө тобу тарабынан кароо жүргүзүлүп, схема түзүлүп, тийиштүү материалдар топтолду. Ал эми каза болгон жарандын жансыз денесине соттук-медициналык экспертиза дайындалып, Ош шаарынын өлүкканасына жөнөтүлдү. Азыркы учурда сотко чейинки өндүрүш иштин алкагында ыкчам иликтөө жана текшерүү иштери жүргүзүлүүдө", - деп билдирет мекеменин басма сөз өкүлү.

Аталган көмүр кенин казуучу ишкана 2019-жылдын 29-сентябрында Кыргыз Республикасынын Юстиция министрлигинин Ош облусу жана Ош шаарынын Юстиция башкармалыгы тарабынан каттоодон өтүп, чалгындоо иштерин жүргүзүү үчүн Өнөр жай, энергетика жана жер казынасын пайдалануу мамлекеттик комитети тарабынын №4552 СЕ лицензиясын алган.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(1)
11.03.2020. 18:18 
Тайпасы:
Жаран
Комментарийлердин саны:
962
Катталган:
06-02-2017
Соӊку аракети:
07-04-2020 18:47
Жынысы:
Белгисиз
0
Чалгындоо деп лицензия алышат да кенди казып бүтүрүшөт.Алтын казгандар деле чалгындап жүрүп түгөтүшөт.
Jelezo түзөттү 2020-03-11 18:18:37
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
140721;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: