Орусиялык ырчы Лев Лещенко жандандыруу бөлүмүндө жатат

Орусиялык ырчы Лев Лещенко ден соолугуна байланыштуу жандандыруу бөлүмүнө түштү. Бул тууралуу орус басылмалары жазып чыгышты.

Буга чейин ЖМКларга Лещенко коронавируска шектелип медициналык борборго жаткырылганы тууралуу маалымат жазылган. Ырчынын концерттик директору Олег Дмитриев Лещенко өзүн жаман сезгенине байланыштуу жубайы менен ооруканага текшерилүү үчүн барып, дарыгерлердин кеңеши менен жаткырылганын билдирген. "Лев Валерианович учурда жандандыруу бөлүмүндө жатат. Бирок ал коронавирустан улам эмес. Жандандыруу бөлүмүндө ал дагы эки күн болот", - деген Дмитриев.