Ырчы Аида Кулуева кыздуу болду

Ырчы Аида Кулуева экинчи ирет эне болду. Үй-бүлөдөгү толуктоолор тууралуу ырчы айым SUPER.KG порталына төмөнкүлөрдү билдирди.

"30-март күнү экинчи кызым жарыкка келди. Кызыбыздын бою 54 сантиметр, 4 килограмм 325 грамм салмакта төрөлдү. Азыр абалыбыз жакшы, акырындап калыптанып жатабыз. Атасы кызыбызга Азалия деген ысым коёбуз деп жатат. Биринчи кызыбыз Айлин жакында 6 жашка чыгат. Кудай буюруп, өзүм каалагандай кызыма шерик кылып бердим", - дейт ырчы айым.

Эске салсак, Аида Кулуева бир кезде сахнадан алыстап кеткен. Кийинчерээк "Кыялда", Кенже Дүйшеева менен "Жүрөгүм" аттуу ырларды аткарып, репертуарын жаңылаган.