Бишкекте айдоочу жөө адамды сүзүп кетти. Жабырлануучу ооруканада

Бишкекте айдоочу жөө адамды сүзүп кетти. Кырсыктын кесепетинен жабырлануучу Улуттук госпиталга жеткирилгенин Бишкек шаарынын комендатурасынын маалымат кызматынан билдиришти. Жол кырсыгы бүгүн, 14-апрелде саат 13:00дө Юнусалиев жана Карл Маркс көчөлөрүнүн кесилишинде орун алды.

"33 жаштагы Т.Ж. аттуу айдоочу Тойота Камри унаасы менен аталган көчөлөрдүн кесилишинен жөө адамды сүзүп кетти. Жабырлануучу 1983-жылы туулган К.М. экени белгилүү болду. Ал алган жаракатынан улам Улуттук госпиталга жеткирилди. Учурда милиция кызматкерлери бул факты боюнча тергөө иштерин жүргүзүп жатышат", - деди маалымат катчы.

Автор: Бактыгүл Момбекова