Коронавирус жугузуп алган, анын кесепетинен каза болгон медициналык кызматкерлерге кенемте төлөөгө бюджеттен 50 миллион сом каражат бөлүнөт

Тектеш кабарлар: Дүйнөгө тараган коронавирус боюнча башка маалыматтар (8926 материал)

Кызматтык милдеттерин, кесиптик парзын аткарууда коронавирус жугузуп алган жана анын кесепетинен каза болгон саламаттыкты сактоо уюмдарынын медициналык жана башка кызматкерлерине бир жолку акчалай компенсация төлөөгө республикалык бюджеттен 50 миллион сом каражат бөлүнөт. Тийиштүү чечимге премьер-министр Мухаммедкалый Абылгазиев кол койгон.

Аталган буйруктун негизинде төмөнкүлөргө бир жолку акчалай компенсация бекитилген:

- өзгөчө кырдаал жана өзгөчө абал режиминин шарттарында медициналык жардам көрсөтүү же илимий изилдөөлөрдү жүргүзүү учурунда кызматтык милдеттерин, кесиптик парзын аткарууда коронавирус инфекциясын жугузуп алган саламаттыкты сактоо уюмдарынын медициналык жана башка кызматкерлерине 200 миң сом өлчөмүндө;

- өзгөчө кырдаал жана өзгөчө абал режиминин шарттарында медициналык жардам көрсөтүү же илимий изилдөөлөрдү жүргүзүү учурунда кызматтык милдеттерин, кесиптик парзын аткарууда коронавирус инфекциясын жугузуп алуунун кесепетинен каза болгон саламаттыкты сактоо уюмдарынын медициналык жана башка кызматкерлеринин үй-бүлөлөрүнө 1 миллион сом өлчөмүндө акча берилет.

Бир жолку акчалай компенсацияларды төлөө үчүн Саламаттыкты сактоо министрлиги тарабынан комиссия түзүлүп, кызматтык териштирүүнүн негизинде конкреттүү медициналык жана башка кызматкерге тиешелүү компенсация төлөө жөнүндө чечим кабыл алынат.

16:48 06-05-2020

Автор: Бактыгүл Момбекова

Жазылуу

РУБРИКАДАГЫ СОҢКУ КАБАРЛАР

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 279 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 752 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 478 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 805 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 401 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 1241 1

Архив

Комментарийлер (4)

Chungyz

2020-05-06 17:08:16

Ачыгын айтканда озгочо абал жарыялагандан башка эч бир жакшы иш кылбадынар элди кантип акчасын сорсок деп турасынар Байларды салык толото албай жонокой таксист жарандардын кыйнап канын ичип жатасынар

alishsapan

2020-05-06 19:26:08

Коррупция башталды эми короно вирус жуктуруп алуу көбөйөт врачтарда 200 миң сом алып калайын деп

Twin

2020-05-06 19:47:21

Иштеп чыккан врачтардын акчасын берише элек. Оздору мынча болдук деп жеп алышып Эми ушул акчасын да болуп алгыла

Mintip-menu-suybo

2020-05-07 01:07:11

Ошондо 50 даарыгер олсо 50000000 берилеби?... Ар бирине 1000000 дон беле? Ммм тушунуктуу...

-1

Комментарий калтыруу үчүн өз ысымыңыз менен кириңиз же каттоодон өтүңүз.